जगभरातले युवक शांतपणे का सोडत आहेत नोकरी? काय आहे Quiet Quitting ट्रेंड?
जगभरातल्या कार्यालयांमध्ये एक नवा ट्रेंड सुरू झाला आहे. हा ट्रेंड आहे Quiet Quitting अर्थात तुम्ही तुमचं काम करत असताना अगदी शांतपणे नोकरी सोडणं. पण हा झाला शब्दशः अर्थ. या ट्रेंडनुसार जगभरातले कर्मचारी तेवढंच काम करत आहेत जेवढा पगार त्यांना मिळतोय आणि नोकरी टिकवण्यासाठी जे आवश्यक आहे. जगभरातल्या अनेक देशांमध्ये द ग्रेट रेझिगनेशनचा ट्रेंडही येऊन गेला. […]
ADVERTISEMENT
जगभरातल्या कार्यालयांमध्ये एक नवा ट्रेंड सुरू झाला आहे. हा ट्रेंड आहे Quiet Quitting अर्थात तुम्ही तुमचं काम करत असताना अगदी शांतपणे नोकरी सोडणं. पण हा झाला शब्दशः अर्थ. या ट्रेंडनुसार जगभरातले कर्मचारी तेवढंच काम करत आहेत जेवढा पगार त्यांना मिळतोय आणि नोकरी टिकवण्यासाठी जे आवश्यक आहे. जगभरातल्या अनेक देशांमध्ये द ग्रेट रेझिगनेशनचा ट्रेंडही येऊन गेला. यातून सावरल्यानंतर आता हा नवा ट्रेंड आला आहे. Quiet Quitting या ट्रेंडची चर्चा सध्या सोशल मीडियावर जोरात आहे.
द ग्रेट रेझिगनेशनचा ट्रेंड काय होता?
द ग्रेट रेझिगनेशनच्या ट्रेंड अंतर्गत जगभरातले लाखो कर्मचारी त्यांच्या कार्यालयीन वातवरणामुले, वरिष्ठांच्या आणि बॉसेसच्या भूमिकांमुळे जॉब सोडण्यास सुरूवात केली म्हणजेच राजीनामा देण्यास सुरूवात केली. २०२१ मध्ये अमेरिकेत एका महिन्यात ४० लाख लोकांनी आपली नोकरी सोडली होती. ब्रिटनसारख्या देशांमध्ये आजही २० टक्के कर्मचारी असे आहेत जे आपली सुरू असलेली नोकरी सोडू इच्छित आहेत मात्र त्यांना दुसऱ्या ठिकाणी संधी मिळाली नाही किंवा ते स्वतःचा बिझनेस करू शकत नाहीत. त्यामुळे नाईलाजाने नोकरी करत आहेत. Quiet Quitting चा ट्रेंड हेच सांगतो आहे.
Quiet Quitting चा ट्रेंड काय आहे?
जे कर्मचारी नोकरी सोडू शकत नाहीत ते आता Quiet Quitting चा ट्रेंड आजमावत आहेत. यामध्ये लोक नोकरी सोडत नाहीत पण तेवढंच काम करतात जेवढं काम नोकरी टिकण्यासाठी आवश्यक आहे तेवढंच काम कर्मचारी करत आहेत. अतिरिक्त कुठलंही काम करत नाहीत. आपल्या वाट्याला आलेलं काम शांतपणे करायचं आणि शांत राहायचं. हा ट्रेंड युवकांमध्ये जास्त लोकप्रिय झाला आहे. जगभरातल्या नोकरदार तरूणांचं हे म्हणणं आहे की नोकरीच सर्वस्व नाही. त्याशिवायही आयुष्य असतं आणि ते आम्हाला जगण्याचा पूर्ण अधिकार आहे. त्यामुळे गरजेपेक्षा जास्त काम करणं हे तरूण पसंत करत नाहीत. गरजेपुरतंच काम करतात आणि स्वतःला वेळ देणं पसंत करतात.
हे वाचलं का?
