टाइप करताना चूक झाली मलिकांनी हसीना पारकरला 55 नव्हे तर 5 लाख दिलेले: ED
मुंबई: मनी लाँड्रिंग प्रकरणात अटक करण्यात आलेले महाराष्ट्राचे मंत्री नवाब मलिक यांनी आपल्यावरील गुन्हा रद्द करण्यासाठी मुंबई उच्च न्यायालयात धाव घेतली होती. त्यांनी याचिकेत आपली अटक बेकायदेशीर असल्याचे म्हटले होते. यासोबतच लवकरात लवकर सुटका करण्याची मागणी देखील त्यांनी केली होती. मात्र असलं तरीही मलिकांच्या अडचणी काही कमी झालेल्या नाही. तर त्यात वाढच झाली आहे. मलिकांना […]
ADVERTISEMENT
मुंबई: मनी लाँड्रिंग प्रकरणात अटक करण्यात आलेले महाराष्ट्राचे मंत्री नवाब मलिक यांनी आपल्यावरील गुन्हा रद्द करण्यासाठी मुंबई उच्च न्यायालयात धाव घेतली होती. त्यांनी याचिकेत आपली अटक बेकायदेशीर असल्याचे म्हटले होते. यासोबतच लवकरात लवकर सुटका करण्याची मागणी देखील त्यांनी केली होती. मात्र असलं तरीही मलिकांच्या अडचणी काही कमी झालेल्या नाही. तर त्यात वाढच झाली आहे. मलिकांना सुनावण्यात आलेली ईडीची कोठडी आज संपल्याने त्यांच्या कोठडी वाढवून मिळावी अशी ईडीने कोर्टाकडे मागणी केली होती. कोर्टाने देखील ईडीच्या मागणीचा विचार करुन मलिकांची कोठडी 4 दिवस वाढवली आहे. त्यामुळे आता ईडीला 7 मार्चपर्यंत मलिकांची कोठडी वाढवून देण्यात आली आहे.
कोठडीत वाढ करताना कोर्टाने म्हटलं की, आरोपी रुग्णालयात असल्याने त्याचा जबाब नोंदवता आला नाही. ईडीने समोर ठेवलेले नवीन तथ्य लक्षात घेऊन आरोपीला ७ मार्चपर्यंत ईडी कोठडी सुनावण्यात आली आहे.
अंमलबजावणी संचालनालयाने (ED) फरारी अंडरवर्ल्ड डॉन दाऊद इब्राहिम याच्याशी संबंधित मनी लाँड्रिंग प्रकरणात गुन्हा दाखल केला आहे. मलिक यांना 3 मार्चपर्यंत ईडीची कोठडी सुनावली होती. त्यानंतर आज मलिकांच्या याचिकेवर कोर्टात सुनावणी घेण्यात आली. ज्याबाबत निकाल देताना कोर्टाने त्यांची कोठडी आणखी चार दिवसांसाठी वाढली आहे.
नबाव मलिक यांना कथित जमीन घोटाळा प्रकरणी ED कोठडी सुनावण्यात आली होती. 23 फेब्रुवारी रोजी ED अधिकाऱ्यांनी मलिकांना ताब्यात घेतले होते. तर 23 फेब्रुवारी ते 3 मार्च अशी 8 दिवसांची ED कोठडी सुनावण्यात आली होती. अखेर 3 मार्च रोजी त्यांच्या कोठडीवर पुन्हा सुनावणी घेण्यात आली. यावेळी कोर्टाकडून मलिकांची आणखी 9 दिवसांची कोठडी मिळावी यासाठी ईडी अर्ज केला आहे. तर दुसरीकडे ईडीच्या या मागणीला मलिकांच्या वकिलांनी जोरदार विरोध केला आहे.
हे वाचलं का?
