अमित शाहांनी सांगितली राम मंदिर पूर्ण होण्याची तारीख; म्हणाले, ‘तिकीट बुक करा’
गुजरातमध्ये विधानसभेची निवडणूक होत असून, यंदाच्या निवडणुकीत काँग्रेसबरोबर आप ही निवडणुकीच्या मैदानात आहे. गुजरातमधील सत्ता कायम राखण्यासाठी भाजपकडून जोरदार प्रयत्न सुरू असून, आजतकच्या कार्यक्रमात बोलताना गृहमंत्री अमित शाह यांनी विविध मुद्द्यांवर भाष्य केलं. यावेळी त्यांनी राम मंदिर पूर्ण होण्याची तारीखही सांगितली. केंद्रीय गृहमंत्री अमित शाह म्हणाले, “आम्ही 1950 पासून हे म्हणत आलोय की, कलम 370 […]
ADVERTISEMENT
गुजरातमध्ये विधानसभेची निवडणूक होत असून, यंदाच्या निवडणुकीत काँग्रेसबरोबर आप ही निवडणुकीच्या मैदानात आहे. गुजरातमधील सत्ता कायम राखण्यासाठी भाजपकडून जोरदार प्रयत्न सुरू असून, आजतकच्या कार्यक्रमात बोलताना गृहमंत्री अमित शाह यांनी विविध मुद्द्यांवर भाष्य केलं. यावेळी त्यांनी राम मंदिर पूर्ण होण्याची तारीखही सांगितली.
केंद्रीय गृहमंत्री अमित शाह म्हणाले, “आम्ही 1950 पासून हे म्हणत आलोय की, कलम 370 संपवू. हे काम नरेंद्र मोदींनी केलं. आम्ही म्हणत होतो, ज्या ठिकाणी प्रभू श्रीरामांचा जन्म झाला, त्याच भूमीवर मंदिर व्हावं व्हावं. काँग्रेसचे लोक आम्हाला टोमणे मारायचे. मंदिर वही बनाएंगे लेकिन तारीख नहीं बताएंगे असं म्हणायचे. तारीख सांगण्याची गरज नाही. जानेवारी २०२४ मध्ये मंदिराचं काम पूर्ण होईल.”
“जानेवारी २०२४ चं तिकीट बुक करा. अयोध्येत भव्य राम मंदिर त्याच जागेवर बनत आहे, ज्याचं आम्ही वचन दिलं होतं”, असं शाह म्हणाले.
vedanta foxconn : अनेक प्रकल्प महाराष्ट्रात गेले, मग गुजरात रडणार का? अमित शाहंचा सवाल
