राष्ट्रवादीची मतं रात्रीत फिरली; नगर जिल्हा बँकेवर भाजपचे कर्डिले अध्यक्ष
अहमदनगर : आशियातील पहिली सहकारी बॅक म्हणून ओळख असलेल्या अहमदनगर (Ahmednagar) जिल्हा मध्यवर्ती सहकारी बँकेच्या अध्यक्षपदी भाजपचे (BJP) माजी आमदार शिवाजीराव कर्डिले (Shivaji Rao Kardile) यांची निवड झाली आहे. बँकेवर काँग्रेस (Congress) आणि राष्ट्रवादी काँग्रेसचं (NCP) बहुमत असतानाही भाजपचा अध्यक्ष विजयी झाल्याने हा महाविकास आघाडीला मोठा धक्का मानला जात आहे. (BJP Leader Shivaji Rao Kardile […]
ADVERTISEMENT
अहमदनगर : आशियातील पहिली सहकारी बॅक म्हणून ओळख असलेल्या अहमदनगर (Ahmednagar) जिल्हा मध्यवर्ती सहकारी बँकेच्या अध्यक्षपदी भाजपचे (BJP) माजी आमदार शिवाजीराव कर्डिले (Shivaji Rao Kardile) यांची निवड झाली आहे. बँकेवर काँग्रेस (Congress) आणि राष्ट्रवादी काँग्रेसचं (NCP) बहुमत असतानाही भाजपचा अध्यक्ष विजयी झाल्याने हा महाविकास आघाडीला मोठा धक्का मानला जात आहे. (BJP Leader Shivaji Rao Kardile elected as Ahmednagar DCC Bank Chairman)
राष्ट्रवादीची ४ मते भाजपच्या गोटात :
अहमदनगर सहकारी बँकेचे अध्यक्ष उदय शेळके यांचे आजारपणामुळे निधन झाल्याने अध्यक्ष पदाची निवडणूक पार पडली. २१ संचालक असलेल्या बँकेत राष्ट्रवादीचे ११ संचालक होते. मात्र उदय शेळके यांचे निधन झाल्याने राष्ट्रवादीकडे १० शिल्लक राहिली. पण ऐन मतदानादिवशी मोठं राजकारण पाहायला मिळालं.
मतदानात राष्ट्रवादीची ४ मत भाजपच्या बाजूने गेली तर एक मत बाद झालं. त्यामुळे शिवाजीराव कर्डीले यांना १० मतं पडली. तर काँग्रेसची ४ आणि राष्ट्रवादीची ५ अशी ९ मतं महाविकास आघाडीचे उमेदवार चंद्रशेखर घुले यांना मिळाली. अत्यंत नाट्यमय झालेल्या या निवडणुकीत भाजप उमेदवाराचा अवघ्या एका मताने विजयी झाला.
Nagaland : भाजप-राष्ट्रवादी एकत्र; विरोधक नसलेलं नवं सरकार कसं आहे?
हे वाचलं का?
