शिंदे-फडणवीस सरकारचा मंत्रिमंडळ विस्तार शनिवारी? या चेहऱ्यांना मिळणार संधी?

शनिवारी मंत्रिमंडळ विस्तार होण्याची शक्यता आहे, ही माहिती सूत्रांनी दिली
Eknath Shinde will be the Chief Minister Of Maharashtra , Devendra Fadnavis announced
Eknath Shinde will be the Chief Minister Of Maharashtra , Devendra Fadnavis announced

एकनाथ शिंदे हे महाराष्ट्राचे मुख्यमंत्री झाले आहेत तर देवेंद्र फडणवीस हे उपमुख्यमंत्री झाले आहेत. महाविकास आघाडी सरकार २९ जूनला गेलं. उद्धव ठाकरे यांनी त्याचदिवशी राजीनामा दिला. त्यानंतर ३० जूनला एकनाथ शिंदे यांनी मुख्यमंत्री म्हणून शपथ घेतली तर देवेंद्र फडणवीस हे उपमुख्यमंत्री झाले. तेव्हापासून मंत्रिमंडळ विस्तार झालेला नाही. यावरून सातत्याने या सरकारवर टीकाही केली जाते आहे. अशात मंत्रिमंडळ विस्तार शनिवारी होऊ शकतो.

Eknath Shinde will be the Chief Minister Of Maharashtra , Devendra Fadnavis announced
राज्यपाल भगतसिंह कोश्यारी लाटा मोजत बसलेत का? मंत्रिमंडळ विस्तार का नाही?-शिवसेना

महाराष्ट्राचा मंत्रिमंडळ विस्तार दोन टप्प्यात होणार?

मंत्रिमंडळ विस्तार दोन टप्प्यात होणार असल्याचे सांगितले जाते. पहिल्या टप्प्यात बारा जणांचा शपथविधी होऊ शकतो यात भाजपकडून सात तर शिंदे गटाकडून पाच मंत्र्यांचा शपथ दिली होईल.

भाजपकडून चंद्रकांत पाटील, सुधीर मुनगंटीवार, गिरीश महाजन, राधाकृष्ण विखे पाटील, आशिष शेलार, प्रवीण दरेकर, चंद्रशेखऱ बावनकुळे ही नावं चर्चेत आहेत. सूत्रांनी दिलेल्या माहितीनुसार शिंदे गटातील आमदारांना ८ कॅबिनेट मंत्रिपदं तर ५ राज्यमंत्रिपदं मिळू सकतात. भाजपच्या वाट्याला २९ मंत्रिपदं येऊ शकतात.

Eknath Shinde will be the Chief Minister Of Maharashtra , Devendra Fadnavis announced
Maharashtra Cabinet: पावसाळी अधिवेशनाच्या आधी मंत्रिमंडळ विस्तार होणार

शिंदे गटातील बंडखोर मंत्र्यांची पदं तिच असावीत ही इच्छा आहे. उद्धव ठाकरे सरकारने त्यांचे निर्णय रोखून ठेवले आहेत त्यामुळे सध्याचे खातेच कायम राहावे यासाठी शिंदे गटातले आमदार आग्रही आहेत. याचाच अर्थ शिंदे गटातले आमदार सध्याची खातं कायम राहावीत यासाठी उत्सुक आहेत हे स्पष्ट आहे.

भाजपच्या कोट्यातून अपक्ष आमदारांचा मंत्रिमंडळात समावेश केला जावे अशी शिंदे कॅम्पची इच्छा असल्याचंही कळतं आहे. दादा भुसे, गुलाबराव पाटील, संदीपान भुमरे, उदय सामंत, शंभूराज देसाई, अब्दुल सत्तार, राजेंद्र पाटील येड्रावकर या सगळ्यांना मंत्रिमंडळात स्थान मिळेल ही शक्यता जास्त आहे असं सूत्रांचं म्हणणं आहे. बच्चू कडू यांना जे मंत्रिपद दिलं जाईल ते भाजपच्या कोट्यातून दिलं जावं असं शिंदे गटाचं म्हणणं असल्याचं कळतं आहे.

शिंदे गटातली ही नवी नावंही चर्चेत आहेत

दीपक केसरकर, प्रकाश आबिटकर, संजय रायमुलकर, संजय शिरसाठ, प्रताप सरनाईक या चेहऱ्यांना मंत्रिमंडळात स्थान मिळू शकतं अशीही चर्चा आहे. एकनाथ शिंदे कँप म्हाडा किंवा सिडको यापैकी एक महामंडळ हवं आहे असंही कळतं आहे.

आज राष्ट्रपती रामनाथ कोविंद यांचा निरोप समारंभ आहे. त्यानिमित्ताने दिल्लीत डिनर आयोजित करण्यात आलं आहे. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस दिल्लीत आहेत. हे दोघेही मंत्रिमंडळाच्या यादीवर भाजपच्या नेत्यांशी चर्चा करतील अशीही माहिती आहे. त्यामुळेच उद्या राज्य मंत्रिमंडळ विस्तार होऊ शकतो अशी शक्यता सूत्रांनी वर्तवली आहे.

Related Stories

No stories found.
Mumbai Tak
www.mumbaitak.in