शेतकऱ्यांना अनुदानाचा दिलासा, वीज दरांत सवलत शिंदे-फडणवीस सरकारचे १३ निर्णय चर्चेत

मुख्यमंत्री एकनाथ शिंदे यांच्या अध्यक्षतेत पार पडलेल्या कॅबिनेटच्या बैठकीत काही महत्त्वाचे निर्णय घेण्यात आले. यात शेतकऱ्यांना सवलतीच्या दरात वीज उपलब्ध करून देण्याविषयीचाही निर्णय झाला आहे. तसंच राजकीय आणि सामाजिक आंदोलनातले मार्च २०२२ पर्यंतचे खटले मागे घेण्याचा निर्णयही शिंदे फडणवीस सरकारने घेतला आहे. एवढंच नाही तर कर्जाचा नियमित परतावा करणाऱ्या शेतकऱ्यांना ५० हजारांचं अनुदान देण्याचा महत्त्वाचा निर्णयही एकनाथ शिंदे- देवेंद्र फडणवीस सरकारने घेतला आहे.