भू विकास बँकेचं कर्ज घेतलेल्या शेतकऱ्यांना संपूर्ण कर्जमाफी, शिंदे फडणवीस सरकारचा मोठा निर्णय

आज झालेल्या कॅबिनेटच्या बैठकीत मोठा निर्णय घेण्यात आला आहे

Complete loan waiver for farmers who have taken loan from Bhu Vikas Bank, a big decision of Shinde Fadnavis government
Complete loan waiver for farmers who have taken loan from Bhu Vikas Bank, a big decision of Shinde Fadnavis government

महाराष्ट्रातल्या शिंदे फडणवीस सरकारने शेतकऱ्यांसाठी मोठा निर्णय घेतला आहे. भू विकास बँकेचं कर्ज घेतलेल्या शेतकऱ्यांना संपूर्ण कर्जमाफी देण्याचा निर्णय सरकारने घेतला आहे. भू विकास बँकेच्या मालमत्तांचं शासनाकडे हस्तांतर करणार असल्याचं ठरवण्यात आलं आहे. आज कॅबिनेटची बैठक पार पडली. त्यात इतरही महत्त्वाचे निर्णय घेण्यात आले. मात्र शेतकऱ्यांसाठीचा हा महत्त्वाचा निर्णय घेण्यात आला आहे.

दिवाळीच्या तोंडावर चांगला निर्णय

दिवाळीच्या तोंडावर शेतकऱ्यांसाठी आपण चांगला निर्णय घेतला आहे असं उपमुख्यमंत्री देवेंद्र फडणवीस यांनी म्हटलं आहे. तसंच कालपर्यंत जी अतिवृष्टी झाली त्यात जे नुकसान झालं आहे त्याचे पंचनामे करून आमच्याकडे पाठवा असे आदेश मुख्यमंत्र्यांनी दिले आहेत. शेतकऱ्यांना आत्तापर्यंत आपण सात हजार कोटींची मदत केली आहे असंही देवेंद्र फडणवीस यांनी सांगितलं. तसंच शेतकऱ्यांच्या अडचणी दूर करण्यासाठी हे सरकार उभं आहे असंही देवेंद्र फडणवीस यांनी स्पष्ट केलं.

मंत्रिमंडळ बैठकीत काय काय निर्णय घेण्यात आले?

नीति आयोगाच्या धर्तीवर राज्यात महाराष्ट्र इस्टिट्यूशन फॉर ट्रान्सफॉर्मेशन-मित्र स्थापन करणार. शासनाला दर्जेदार सल्ला आणि धोरणात्मक मार्गदर्शन मिळणार

महाराष्ट्र लोकसेवा आयोगाच्या कक्षेबाहेरील गट- ब (अराजपत्रित), गट-क व गट-ड पदभरतीसाठी परीक्षा टीसीएस, आयबीपीएस घेणार.

या माध्यमातून 75 हजार पदे भरण्याचा मार्ग सुकर

(सामान्य प्रशासन विभाग)

ऐच्छिकरित्या वाहनांचे स्क्रॅपिंग करणाऱ्यांना व्याज व दंडमाफ करणार. भंगार स्थितीतील वाहनांचा प्रश्न सुटणार.

(परिवहन विभाग)

5 जी तंत्रज्ञानासाठी पायाभूत सुविधा वेगाने वाढविण्यासाठी दूरसंचार पायाभूत सुविधा धोरण

(माहिती तंत्रज्ञान विभाग)

मराठवाडा, विदर्भ,उत्तर महाराष्ट्रात अल्पसंख्याक महिलांचे 2800 बचत गट निर्माण करणार. 1500 महिलांना कौशल्य विकास प्रशिक्षण.

(अल्पसंख्यांक विकास विभाग)

भू विकास बँकेचे कर्ज घेतलेल्या शेतकऱ्यांना संपूर्ण कर्जमाफी. एकूण 964 कोटी 15 लाख रुपयांची कर्जमाफी. भूविकास बँकेच्या मालमत्तांचे शासनाकडे हस्तांतरण करणार

(सहकार विभाग)

“महाराष्ट्र ॲग्रीबिझनेस नेटवर्क" (MAGNET) संस्थेस अनुदान स्वरुपात निधी देणार. शेतकऱ्यांच्या उत्पन्नात वाढ करणे शक्य

(पणन विभाग)

राजकीय आणि सामाजिक आंदोलनातील 30 जून 2022 पर्यंतचे खटले आता मागे घेणार.

(गृह विभाग)

माहिती तंत्रज्ञान तज्ञ विभागातील राजपत्रित पदे महाराष्ट्र लोकसेवा आयोगाच्या कार्यकक्षेतून वगळणार

(वित्त विभाग)

बुलडाणा जिल्ह्यातील अरकचेरी आणि आलेवाडी बृहत लघु पाटबंधारे प्रकल्पांना सुधारित प्रशासकीय मान्यता. 1918 हेक्टर जमिनीला सिंचनाचा फायदा

(जलसंपदा विभाग)

राज्य मालमत्ता पुनर्रचना कंपनीचे भागभांडवल 311 कोटी करणार.

(वित्त विभाग)

महाराष्ट्र आकस्मिकता निधीच्या मर्यादेत 200 कोटींची तात्पूरती वाढ करण्याचा निर्णय.

(वित्त विभाग)

1250 मे टन प्रतिदिन गाळप क्षमता 2500 मे.टन पर्यंत वाढविण्यासाठी शासकीय भागभांडवल देणार.

(सहकार विभाग)

Related Stories

No stories found.
Mumbai Tak
www.mumbaitak.in