उद्धव ठाकरे विरुद्ध एकनाथ शिंदे ‘बंड’ सर्वोच्च न्यायालयात! आज सुनावणी

एकनाथ शिंदे विरुद्ध शिवसेना वाद सर्वोच्च न्यायालयात गेला आहे. एकनाथ शिंदे यांच्या नेतृत्वाखालील गटाने विधानसभा उपाध्यक्षांच्या विरोधातील अविश्वास प्रस्तावासंदर्भात सर्वोच्च न्यायालयात धाव घेतली आहे.

त्याचबरोबर विधानसभा उपाध्यक्षांनी सदस्यत्व रद्द करण्याबद्दल जारी करण्यात आलेल्या नोटिशीलाही आव्हान देण्यात आलं आहे.

बंडखोरी केल्यानंतर एकनाथ शिंदे यांना शिवसेनेनं गटनेतेपदावरून हटवलं होतं. त्यांच्या जागेवर शिवडीचे आमदार अजय चौधरी यांची नियुक्ती केली आहे. या नियुक्तीला एकनाथ शिंदेंनी आव्हान दिलं आहे. दोन याचिका दाखल करण्यात आलेल्या असून, सर्वोच्च न्यायालयात काय निवाडा होणार, यावर पुढील राजकारणाची दिशा ठरणार आहे.