"अगली बार चुन चुन के मारे जायेंगे" : राड्यानंतर आमदार गायकवाड यांचा ठाकरे गटाला इशारा

पोलिसमध्ये होते, अन्यथा सगळा हिशोब चुकता केला असता....
Sanjay Gaikwad on Buldhana
Sanjay Gaikwad on BuldhanaMumbai Tak

बुलढाणा : बुलढाण्यातील कृषी उत्पन्न बाजार समितीत आज शिवसेनेतील ठाकरे विरुद्ध शिंदे गटामध्ये तुफान राडा झाला. ठाकरे गटाच्या एका सत्कार कार्यक्रमावर काही तरुणांनी अचानक हल्ला केला. यात शिवसेनेचे संपर्कप्रमुख, जिल्हाप्रमुख, उपजिल्हाप्रमुख यांच्यासह उपनेते लक्ष्मण वडले यांनाही मारहाण करण्यात आली, असे सांगण्यात येत आहे.

हल्ला केलेले हे कार्यकर्ते शिंदे गटाचे बुलढाण्याचे आमदार संजय गायकवाड यांचे असल्याचा आरोप संपर्कप्रमुख नरेंद्र खेडेकर यांनी केला. त्यावर आमदार गायकवाड यांनीही हे आपलेच कार्यकर्ते असल्याचे मान्य करत या हल्लाचे समर्थनही केले. तसेच पुढच्या वेळी चुन चुन के मारे जायेंगे, गिन गिन के मारे जायेंगे, असे म्हणतं ठाकरे गटाला इशाराही दिला आहे.

चुन चुन के मारे जायेंगे, गिन गिन के मारे जायेंगे :

संजय गायकवाड म्हणाले, शिवसेना, संजय गायकवाड आणि त्याचे कार्यकर्ते किती पागल आहेत हे त्यांना अजून माहित नाही. आग्या मोहोळसारखे डसणारे कार्यकर्ते आहेत. हे जर चिडले तर कोणाच्या बापालाही ऐकणार नाहीत. त्यानंतरही जर यांनी काही भानगड करण्याचा प्रयत्न केला तर चुन चुन के मारे जायेंगे, गिन गिन के मारे जायेंगे.

यापुढे त्यांनी काही केवळं करुन दाखवावचं, मग सांगेन आम्ही काय चीज आहोत. ते जे म्हणतं आहेत आम्ही असं करु, तसं करु, तुम्ही करुनच दाखवा. आज त्यांचे भाग्य होते की पोलिसमध्ये होते, अन्यथा सगळा हिशोब चुकता केला असता.

Sanjay Gaikwad on Buldhana
''बारामती काय अजित पवारच्या बापाची आहे का?'', दादा पत्रकारांवरती का भडकले?

'तर' शिवसैनिकाला दुसरी भाषा येत नाही

तसेच आजच्या घडलेल्या घटनेचे समर्थन करता का? यावर उत्तर देताना आमदार गायकवाड म्हणाले, कोणी काही बोलले आणि त्याला आमचे कार्यकर्ते उत्तर देत असतील तर आम्ही निषेध करणार नाही. कारण कोणीही आपली बाजू खरी सांगत नाही. शेगाव, मेहकर, चिखली अशा मेळाव्यांमध्ये ठाकरे गटाने काय भाषा वापरली होती ती तुम्ही ऐकली का? ते जर चांगले बोलले असते तर आमचे लोकं कशासाठी तिथे गेले असते?

गायकवाड म्हणाले, आमचे आजही आवाहन आहे की तुम्ही तुमचा पक्ष चालवा, आम्ही आडवं येत नाही. तुमची विचारधारा काँग्रेस-सेनेची आहे. ती तुम्ही संभाळत बसा, फक्त जाहीर कार्यक्रमांमध्ये आमचे उल्लेख नको. पण सांगून समजत नसेल तर शिवसैनिकाला दुसरी भाषा येत नाही.

आता ठाकरे गटाने तक्रार दिली तर आम्ही पण देणार. ते जेवढी नाव देतील तेवढीच नाव आम्ही पण देणार. कारण शेवटी कायदा सर्वांसाठी सारखाचं आहे. आमची लोकं काही भांडण करायला गेले नव्हती. ते जर अपशब्द बोलले तर समज द्यायाला गेले होते. पण तेच हातघाईवर आले, मग काय जंग मे सब जायज होता है, असेही समर्थन गायकवाड यांनी केले.

Sanjay Gaikwad on Buldhana
'त्यांची' अन् माझी दुश्मनी थोडीच आहे? : देवेंद्र फडणवीस यांच्या भेटीवर चव्हाणांचे भाष्य

नेमके काय झाले बुलढाण्यात?

बुलढाणा कृषी उत्पन्न बाजार समिती परिसरात आज ठाकरे गटाच्या नवनियुक्त पदाधिकाऱ्यांचा सत्कार समारंभ कार्यक्रम आजोजित करण्यात आला होता. यावेळी काही तरुणांनी अचानक हल्ला केला. यात शिवसेना संपर्कप्रमुख, जिल्हाप्रमुख, उपजिल्हाप्रमुख यांच्यासह उपनेते लक्ष्मण वडले यांनाही मारहाण करण्यात आली असल्याचा दावा करण्यात येत आहे. यावेळी मोठा पोलिस फौजफाटा उपस्थित होता.

संपर्कप्रमुख नरेंद्र खेडेकर म्हणाले की, हल्ला करणाऱ्यात आमदार गायकवाड यांचे पुत्र कुणाल गायकवाड तसेच त्यांचे सहकारी आघाडीवर होते. यासंदर्भात अनेक व्हिडिओ फुटेज उपलब्ध आहेत, ज्यात कुणाल गायकवाड स्पष्ट दिसत आहेत. जवळपास 15 मिनिटे हा प्रकार चालला. पोलिस बघ्याची भूमिका घेऊन होते, असाही आरोप खेडकर यांनी केला आहे.

कार्यक्रामात तुफान राडा :

दरम्यान हल्ला होतेवेळच्या व्हिडिंओमध्ये खुर्च्यांची फेकाफेक करण्यात आली असल्याचे दिसत आहे. तसेच काही पदाधिकाऱ्यांना अक्षरशः लाथा बुक्क्यांनी मारहाण करण्यात आली असल्याचे दिसत आहे. संबंधित घटनेनंतर पोलिसांची अतिरिक्त कुमक दाखल झाली. यावेळी पोलिस दलाच्या वतीने जमावाला पांगवण्यासाठी सौम्य लाठीचार्ज करावा लागला आहे.

Related Stories

No stories found.
Mumbai Tak
www.mumbaitak.in