Sharmila Thackeray: '...तर असे एन्काउंटर झाले पाहिजे', राज ठाकरेंच्या पत्नी प्रचंड संतापल्या!
Sharmila Thackeray: अक्षय शिंदे याचा एन्काउंटर बरोबरच होता. अशा प्रकारचे एन्काउंटर झालेच पाहिजे असं विधान राज ठाकरेंच्या पत्नी शर्मिला ठाकरे यांनी केलं आहे.
ADVERTISEMENT
बातम्या हायलाइट
अक्षय शिंदेचा मृत्यू आणि पोलीस चकमक योग्य असल्याचं शर्मिला ठाकरेंचं मत
असे एन्काउंटर केले तरच आरोपींना जरब असेल असा शर्मिला ठाकरेंचा दावा
शर्मिला ठाकरेंनी जखमी पोलिसांची घेतली भेट
Sharmila Thackeray: ठाणे: बदलापूर लैंगिक अत्याचार प्रकरणातील आरोपी अक्षय शिंदे याचा चकमकीत मृत्यू झाला. पण याच चकमकीत एक पोलीस कर्मचारी देखील जखमी झाला. याच पोलीस कर्मचाऱ्याची आज (25 सप्टेंबर) राज ठाकरे यांच्या पत्नी शर्मिला ठाकरे यांनी ठाण्यातील ज्युपिटर रुग्णालयात जाऊन भेट घेतली. ज्यानंतर माध्यमांशी बोलताना शर्मिला ठाकरेंनी या सगळ्या घटनेबाबत संताप व्यक्त करत एन्काउंटरचं समर्थन केलं आहे. (akshay shinde encounter was right, this kind of encounter must happen raj thackeray wife sharmila thackeray angry on badlapur case)
'आम्हाला सुरक्षिततेची भावना जर निर्माण व्हायची असेल तर असे एन्काउंटर झाले पाहिजे.' असं म्हणत शर्मिला ठाकरेंनी हे एन्काउंटर योग्यच असल्याचं म्हटलं आहे. पाहा या संपूर्ण घटनेबाबत शर्मिला ठाकरे नेमकं काय म्हणाल्या.
पाहा 'त्या' एन्काउंटरवर शर्मिला ठाकरे नेमकं काय म्हणाल्या...
'असे एन्काउंटर झाले पाहिजे'
'मी राज ठाकरेंची बायको म्हणून बोलत नाहीए. मी महिला म्हणून बोलतेय.. मला एक मुलगी आहे. तमाम महिलांच्या बाजूने बोलतेय. आमच्यामध्ये एवढी असुरक्षिततेची भावना झाली आहे.. एवढं हिंस्त्र गुन्हे घडतायेत. राजकारणी काय बोलतायेत, विरोधी पक्ष काय बोलतंय, कोर्ट काय बोलतंय.. मला कोणाशी काही पडलेली नाही.'
हे ही वाचा>> Akshay Shinde Encounter : आरोपीला थांबवायला पाहिजे होतं...गोळी का चालवली? हायकोर्टाचा सरकारला संतप्त सवाल
'महिला म्हणून मला अभिमान वाटला म्हणून मी त्या पोलिसांचं कौतुक करतेय. आम्हाला सुरक्षिततेची भावना जर निर्माण व्हायची असेल तर असे एन्काउंटर झाले पाहिजे.' असं शर्मिला ठाकरे यावेळी म्हणाल्या.
हे वाचलं का?
