Maharashtra Vidhan Sabha : बच्चू कडू महाविकास आघाडीच्या वाटेवर? पवारांची घेतली भेट
Maharashtra Vidhan Sabha election 2024 : महायुतीपासून दूर झालेले बच्चू कडू महाविकास आघाडीच्या वाटेवर असल्याची चर्चा सुरू झाली आहे. तसे संकेत त्यांनी दिले आहेत.
ADVERTISEMENT
बातम्या हायलाइट
बच्चू कडू यांनी शरद पवारांची भेट घेतली
महाविकास आघाडीमध्ये सहभागी होण्याचे संकेत
विधानसभा निवडणुकीपूर्वी निर्णय होण्याची चर्चा
Bacchu Kadu Sharad Pawar : एकनाथ शिंदे यांच्या बंडानंतर महाविकास आघाडीपासून दूर गेलेले बच्चू कडू पुन्हा परतीच्या वाटेवर दिसत आहेत. बच्चू कडू यांनी शनिवारी (१० ऑगस्ट) सकाळी शरद पवार यांची निवासस्थानी भेट घेतली. भेटीनंतर माध्यमांशी बोलताना बच्चू कडू म्हणाले, शेतमजूर, दिव्यांगांसाठी आम्ही काहीही करू शकतो, असे म्हणत त्यांनी मविआमध्ये सामील होण्याचे संकेत दिले. (Bacchu Kadu may be join maha vikas Aghadi)
विधानसभा निवडणुकीच्या पार्श्वभूमीवर प्रहार संघटनेचे नेते बच्चू कडू कामाला लागल्याचे दिसत आहे. छत्रपती संभाजीनगरमध्ये शुक्रवारी (९ ऑगस्ट) मोर्चा काढल्यानंतर बच्चू कडू यांनी शनिवारी (10 ऑगस्ट) पुण्यात शरद पवारांची मोदीबाग येथे भेट घेतली.
चांगल्या लोकांनी एकत्र यायला हवं -सुप्रिया सुळे
शरद पवार-बच्चू कडू यांच्या चर्चा झाली. त्यानंतर सुप्रिया सुळे यांच्यासोबत बच्चू कडूंनी माध्यमांशी संवाद साधला. यावेळी सुप्रिया सुळेंनी केलेल्या विधानाने लक्ष वेधून घेतले.
हेही वाचा >> अजितदादांचा पॅटर्नच वेगळा, आता गुलाबी जॅकेट नाही तर थेट...
खासदार सुळे म्हणाल्या की, "महाराष्ट्रात जे काही प्रशासन व्हावं, ते उत्तमच असावं. यासाठी सगळ्या चांगल्या लोकांनी, ज्यांना खरंच महाराष्ट्राचे हित जपायचे आहे. अशा लोकांनी एकत्र येणे-हे राज्यासाठी आणि देशासाठी चांगले आहे."
हे वाचलं का?
