वाल्मीकने जेलमधून कसा कट रचला? बजरंग सोनवणेंचे तुरुंग प्रशासनावरही गंभीर आरोप
Bajrang Sonawane on walmik karad audio clip : विलास घुले हत्या प्रकरणात सौरभ सोनवणे यांना अडकवण्यासाठी कट रचल्याचा बजरंग सोनवणेंचा आरोप. वाल्मीक कराड, सुग्रीव कराड आणि रमेश घुले यांच्यावर आरोप करत कथित ऑडिओ क्लिप ऐकवली.
ADVERTISEMENT
बातम्या हायलाइट
वाल्मीकने जेलमधून कसा कट रचला?
बजरंग सोनवणेंचे तुरुंग प्रशासनावरही गंभीर आरोप
Bajrang Sonawane on walmik karad audio clip : वाल्मीक कराड, सुग्रीव कराड आणि रमेश घुले यांनी मिळून आपला मुलगा सौरभ सोनवणे याला विलास घुले हत्या प्रकरणात अडकवण्यासाठी कट रचल्याचा गंभीर आरोप बीडचे खासदार बजरंग सोनवणे यांनी केला आहे. हा कट तुरुंगातून रचण्यात आल्याचा दावा करत सोनवणे यांनी पत्रकार परिषदेत एक कथित ऑडिओ क्लिपही ऐकवली. या ऑडिओ क्लिपची फॉरेन्सिक तपासणी करून सत्यता पडताळावी, अशी मागणी त्यांनी केली आहे. दरम्यान, बजरंग सोनवणे यांनी 'मुंबई Tak'वर याबाबत सविस्तर भाष्य केलं. ते नेमकं काय म्हणाले? सविस्तर जाणून घेऊयात..
हेही वाचा : Weather Update: महाराष्ट्रात मान्सूनची ‘एक्झिट’ की पावसाचा आणखी एक डाव? पाहा हवामानाचा ताजा अंदाज
सौरभ सोनवणेंवर केलेले आरोप प्रत्येक वेळी बदलत गेले- बजरंग सोनवणे
बीडच्या केज तालुक्यातील टाकळी येथील विलास घुले यांचा 21 जून रोजी मृत्यू झाला होता. या घटनेनंतर सुरुवातीला विलास घुले यांच्या नातेवाईकांकडून सौरभ सोनवणे यांच्या सहभागाचा संशय व्यक्त करण्यात आला होता. त्यानंतर सौरभ सोनवणे यांच्यावर वेगवेगळे आरोप करण्यात आल्याचा दावा बजरंग सोनवणे यांनी केला. सुरुवातीला मुलगा घटनास्थळी गेला, आरोपींना साथ दिली, पोलिसांवर दबाव आणला आणि आरोपींना पळून जाण्यास मदत केली, अशा स्वरूपाचे आरोप करण्यात आले. मात्र, हे आरोप प्रत्येक वेळी बदलत गेले, असंही सोनवणे यांनी नमूद केलं. विलास घुले यांना मारहाण झाल्यानंतर त्यांना रुग्णालयात दाखल करण्यात आले होते. त्यानंतर त्यांना अंबाजोगाईला हलवण्यात आले आणि घटनेनंतर सुमारे दीड दिवसांनी त्यांचा मृत्यू झाला, अशी माहिती त्यांनी दिली.
हेही वाचा : Personal Finance: मोबाईल नंबर बंद झाला तर तुमचे पैसे अडकू शकतात का? एक छोटी चूक आणि मोठा त्रास!