भाजप उमेदवाराचा अश्लील व्हिडीओ व्हायरल झाला, तरीही बिहारमध्ये लाखाच्या वर मतं मिळवली, दणदणीत विजय

BJP candidate Sunil Kumar Pintu Won From Sitamarh : बिहार विधानसभा निवडणुकीचे निकाल आज समोर आले असून राष्ट्रीय लोकशाही आघाडीने दणदणीत विजय मिळवला. बिहारमध्ये आरजेडीसह काँग्रेसचा अक्षरश: सुपडा साफ झालाय. दरम्यान ही निवडणूक अनेक वादग्रस्त घटनांनी गाजलेली पाहायला मिळाली. त्यापैकी एक प्रकरण म्हणजे सुनील कुमार पिंटू यांचं होतं. मतदानाच्या काही दिवस आधी भाजपचे उमेदवार सुनील कुमार पिंटू यांचे कथित अश्लील व्हिडिओ सोशल मीडियावर प्रसारित झाल्याचे होते. हे व्हिडिओ समोर आल्यानंतर विरोधकांनी त्यांच्यावर टीका केली. त्यानंतर पिंटू यांनी स्पष्टीकरण देत प्रकरणाची चौकशी करण्याची मागणी केली. दरम्यान, आज सकाळी मतमोजणी सुरु झाल्यापासून सुनील कुमार सध्या सीतामढी विधानसभा मतदारसंघातून आघाडीवर आहेत. मतमोजणीच्या 26 व्या फेरीअखेर सुनील कुमार पिंटू यांनी 104226 मतं मिळवली असून त्यांनी 5562 मतांनी विजय मिळवलाय.