राज्यसभा निवडणुकीत भाजपचं धक्कातंत्र, दोन अनपेक्षित चेहरे मैदानात, आदिवासी, धनगर, दलित, मराठा चेहऱ्यांना संधी
BJP second list of candidates for Rajya Sabha elections 2026 : राज्यसभा निवडणुकीच्या उमेदवारांची घोषणा करताना भाजपने सोशल इंजिनिअरिंग केल्याची चर्चा सुरु झाली आहे. भाजपने महाराष्ट्रातून आदिवासी, धनगर, दलित, मराठा चेहऱ्यांना संधी दिली आहे. आदिवासी आणि धनगर समाजातील नेत्यांना भाजपने संसदेच्या वरिष्ठ सभागृहात पाठवण्याचा निर्णय घेतलाय.
ADVERTISEMENT
बातम्या हायलाइट
राज्यसभेसाठी भाजपचं सोशल इंजिनीअरिंग
आदिवासी, धनगर, दलित, मराठा चेहऱ्यांना संधी; पाहा उमेदवार यादी
BJP second list of candidates for Rajya Sabha elections 2026 : भारतीय जनता पक्षाच्या केंद्रीय निवड समितीने राज्यसभा निवडणुकीसाठी दुसरी उमेदवार यादी जाहीर केली आहे. भाजपने मंगळवारी (दि.4) इतर राज्यासांठी 9 उमेदवारांची यादी जाहीर केली होती. त्यानंतर आज महाराष्ट्रातील 4 जागांसाठी विनोद तावडे, रामदास आठवले, माया चिंतामण आणि रामराव वडकुते या चार नावांची घोषणा करण्यात आलीये. दरम्यान, या यादीमध्ये रामदास आठवले आणि विनोद तावडे हे चर्चेतील नावे होते. मात्र, दोन अनपेक्षित चेहऱ्यांना देखील भाजपने संधी दिली आहे.
राज्यसभा निवडणुकीच्या उमेदवारांची घोषणा करताना भाजपने सोशल इंजिनिअरिंग केल्याची चर्चा सुरु झाली आहे. भाजपने महाराष्ट्रातून आदिवासी, धनगर, दलित, मराठा चेहऱ्यांना संधी दिली आहे. आदिवासी आणि धनगर समाजातील नेत्यांना भाजपने संसदेच्या वरिष्ठ सभागृहात पाठवण्याचा निर्णय घेतलाय.
राज्यसभेसाठी भाजपचं सोशल इंजिनीअरिंग, आदिवासी, धनगर, दलित, मराठा चेहऱ्यांना संधी.
माया चिंतामण इवनाते या नागपूरमधील एक प्रमुख आदिवासी नेत्या, माजी महापौर आणि राष्ट्रीय अनुसूचित जनजाति आयोगाच्या (NCST) माजी सदस्य आहेत. त्यांनी गोरेवाडा प्राणी उद्यानाला बाळासाहेब ठाकरेंचे नाव देण्यास विरोध करून आदिवासी अस्मितेसाठी लढा दिला होता. त्या भाजपशी संबंधित असून, आदिवासींच्या हक्कासाठी कार्यरत आहेत.
हे वाचलं का?
