मुंबई महापालिका निवडणूक: पाहा तुमचा वॉर्ड कोणासाठी झालाय आरक्षित?

Mumbai Mahapalika Ward Reservation : मुंबई महापालिका निवडणुकीची आरक्षण सोडत मंगळवारी जाहीर करण्यात सुरुवात झाली आहे. मुंबई महापालिकेच्यावतीने (BMC Election 2025) बालगंधर्व रंगमंदिर बांद्रा येथे आज (दि.11) सकाळी 11 वाजता आरक्षण सोडत जाहीर करण्यास सुरुवात केली आहे.. अनुसूचित जाती (महिला), अनुसूचित जमाती (महिला), नागरिकांचा मागासवर्ग प्रवर्ग, नागरिकांचा मागासवर्ग प्रवर्ग (महिला) व सर्वसाधारण महिलांसाठी आरक्षण निश्चिती करण्यासाठी ही सोडत काढण्यात आली.

मुंबई महानगरपालिकेच्या एकूण 227 प्रभागांपैकी 114 प्रभाग हे महिला उमेदवारांसाठी आरक्षित असतील. तर अनुसुचित जातींसाठी एकूण 15 वॉर्ड राखीव असतील यामध्ये अनुसुचित जातीच्या महिला उमेदवारांसाठी 8 वॉर्ड आरक्षित असतील. तर अनुसुचित जमातीसाठी दोन वॉर्ड राखीव असतील त्यापैकी एका ठिकाणी महिला उमेदवारासाठी आरक्षण असेल. तर ओबीसींसाठी मुंबईतील 61 वॉर्ड राखीव असतील, यामध्ये 31 महिला ओबीसी उमेदवारांची समावेश असेल. तर सर्वसाधारण प्रवर्गाच्या उमेदवारांसाठी 61 वॉर्ड राखीव असतील, यामध्ये सर्वसाधारण प्रवर्गाच्या 31 महिला उमेदवारांचा समावेश, असेल अशी माहिती मुंबई महानगरपालिकेचे आयुक्त भूषण गगराणी यांनी दिली. दिनांक 14 नोव्हेंबर ते गुरुवार, दिनांक 20 नोव्हेंबर 2025 रोजी दुपारी तीन वाजेपर्यंत आरक्षण प्रारुपावर हरकती व सूचना सादर करता येतील. दाखल झालेल्या हरकती व सूचना विचारात घेऊन आरक्षणाची अंतिम अधिसूचना प्रसिद्ध करण्यात येईल.

एकूण सदस्यसंख्या 227

• महिलांसाठी राखीव 114
• अनुसुचित जातींसाठी राखीव वॉर्ड- 15 महिला 8
• अनुसुचित जमाती एकूण राखीव -2 महिला एक
• ओबीसी राखीव 61 महिला 31
• सर्वसाधारण वॉर्ड 149 महिला राखीव 74

घोसाळकरांना धक्का 

आरक्षण सोडतीमुळे ठाकरे गटाच्या विनोद घोसळकरांना धक्का बसलाय. कारण घोसाळकरांची सून तेजस्वी घोसाळकर यांचा वार्ड संघ मागासवर्ग प्रवर्ग म्हणून आरक्षित झाला आहे. गेल्या काही दिवसांपासून सुरू होती तेजस्वी घोसाळकरांची तयारी सुरु होती. तर मिलिंद वैद्य यांचा 182 वॉर्ड देखील आता मागासवर्ग प्रवर्ग म्हणून आरक्षित झालाय आहे. याशिवाय कप्तान मलिक आणि रवी राजा यांचा वॉर्ड देखील आरक्षित करण्यात आलाय.