Devendra Fadnavis: भाजप नेत्यांना फडणवीसांनी पुन्हा दिलं दाखवून... तेच महाराष्ट्र BJP चे बॉस!
भाजपने लोकसभा निवडणुकीसाठी महाराष्ट्रातील 20 उमेदवार जाहीर केले. पण यामध्येही देवेंद्र फडणवीस यांचाच वरचष्मा दिसून आला. वाचा याचविषयी सविस्तर...
ADVERTISEMENT
Devendra Fadnavis BJP: मुंबई: लोकसभा निवडणुकीसाठी (Lok Sabha Election 2024) भाजपने महाराष्ट्रातील 20 मतदारसंघातील उमेदवारांची नावं जाहीर केली आहेत. ज्यामध्ये अनेक दिग्गज नेत्यांच्या नावाचा समावेश आहे. पण असं असलं तरी भाजपच्या यादीवर आपण जर बारकाईने नजर टाकली तर त्यातून एक गोष्ट अगदी स्पष्टपणे दिसून येते की, महाराष्ट्र भाजपचे बॉस हे फक्त आणि फक्त देवेंद्र फडणवीस हेच आहेत. (by showing that devendra fadnavis has given bjp leaders again he is the boss of maharashtra bjp)
2022 साली महाराष्ट्रात जे सत्तांतर झालं त्यावेळी देवेंद्र फडणवीस यांना अनपेक्षितपणे उपमुख्यमंत्री व्हावं लागलं. तेव्हापासून अशी चर्चा सुरू होती की, देवेंद्र फडणवीस यांचे पंख भाजपचं केंद्रीय नेतृत्व कापत आहे. मात्र, लोकसभा निवडणुकीसाठी भाजपने जी महाराष्ट्रातील यादी जाहीर केली त्यामध्ये देवेंद्र फडणवीस यांचाच वरचष्मा असल्याचं पाहायला मिळत आहे. महत्त्वाची बाब म्हणजे फडणवीसांना आव्हान उभं करू शकणारे नेतेच फडणवीसांनी थेट दिल्लीला पाठविण्याचा प्लॅन केला आहे.
2014 साली देवेंद्र फडणवीस यांनी मुख्यमंत्री म्हणून जेव्हा शपथ घेतली ती भाजपमधील अनेकांसाठी आश्चर्याची बाब होती. कारण पक्षातील अनेका दिग्गजांना बाजूला सारून पंतप्रधान मोदी यांनी फडणवीसांच्या नावाला पसंती दिली होती. ज्यामुळे राज्यातील भाजपचे अनेक नेते दुखावले गेले होते.
त्यावेळी एकनाथ खडसे, पंकजा मुंडे, विनोद तावडे, सुधीर मुनगंटीवार या नेत्यांनी आपली नाराजी ही वरिष्ठांकडे बोलूनही दाखवली होती. पण त्यांच्याकडे काणाडोळा करत पक्षाने फडणवीसांना सर्व अधिकार दिले होते. त्यामुळे फडणवीसांनी सुरुवातीला प्रशासनावर आपली मांड पक्की केली. त्यानंतर त्यांनी पक्षातील विरोधकांना अलगदपणे बाजूला सारलं.
हे वाचलं का?
