सेंटर पॉईंट: 'लाला, रिस्क है तो इश्क है..!', ही Inside स्टोरी एकदा वाचाच.. पार चक्रावून जाल!
SEBI and Rajesh Mehta: भारतीय भांडवली बाजार नियामक 'सेबी'ने (SEBI) सोन्याच्या क्षेत्रातील जागतिक स्तरावर नामांकित असलेल्या 'राजेश एक्स्पोर्ट्स लिमिटेड' (Rajesh Exports Ltd) विरुद्ध एक अत्यंत धक्कादायक अंतरिम आदेश जारी केला आहे. वाचा इनसाइड स्टोरी.
ADVERTISEMENT
मुंबई: 1992 च्या हर्षद मेहता घोटाळ्याने भारतीय शेअर बाजार हादरला होता. बँकिंग व्यवस्थेतील त्रुटींचा फायदा घेत शेअर बाजार कृत्रिमरीत्या फुगवल्याचा आरोप हर्षद मेहतांवर झाला आणि अखेर त्यांचे आर्थिक साम्राज्य कोसळले. आता तीन दशकांनंतर आणखी एका मेहता आडनावाच्या उद्योगपतीमुळे आर्थिक क्षेत्रात खळबळ उडाली आहे.
सोन्याच्या व्यवसायातून उभे राहिलेले उद्योगपती राजेश जसवंतराय मेहता आणि त्यांची कंपनी 'राजेश एक्सपोर्ट्स' यांच्यावर भारतीय प्रतिभूती आणि विनिमय मंडळाने (सेबी) गंभीर आरोप केले आहेत. 2020 ते 2025 या कालावधीत कंपनीने दाखवलेल्या व्यवहारांमध्ये मोठ्या प्रमाणात विसंगती असल्याचा दावा सेबीने केला आहे.
मध्यमवर्गीय कुटुंबातून उभं राहिलेलं साम्राज्य
बंगळुरूमधील मध्यमवर्गीय जैन कुटुंबात जन्मलेल्या राजेश मेहतांनी भाऊ प्रशांत मेहता यांच्यासह चांदीच्या व्यापारातून व्यवसायाची सुरुवात केली. 1991 च्या आर्थिक उदारीकरणानंतर त्यांनी 'राजेश एक्सपोर्ट्स लिमिटेड'ची स्थापना केली. सुरुवातीला केवळ दहा कर्मचाऱ्यांसह सुरू झालेली कंपनी पुढे सोन्याचे रिफायनिंग, दागिने उत्पादन आणि निर्यात क्षेत्रात वेगाने वाढली.
हे ही वाचा>> Personal Finance: 'ही' कागदपत्रं नसतील तर चुकूनही करू नका प्रॉपर्टीचा सौदा!
भारतीय दागिन्यांची निर्यात दुबई, ओमान, ब्रिटनसह अनेक देशांमध्ये होऊ लागली. पुढे कंपनी शेअर बाजारात सूचीबद्ध झाली आणि हजारो कोटी रुपयांचे मूल्यांकन प्राप्त केले. कंपनीने स्वित्झर्लंडमधील प्रसिद्ध गोल्ड रिफायनरी खरेदी केली तसेच भारतात 'शुभ ज्वेलर्स' ही रिटेल चेन उभारली.
