डॉक्टरांना मारहाण करणाऱ्या मारकुट्या नगरसेवकाचा जामीन रद्द, हायकोर्टाचा रमेश म्हात्रेंना दणका
dombivli doctor assault case : डोंबिवलीतील डॉक्टर मारहाण प्रकरणात रमेश म्हात्रेंचा जामीन बॉम्बे हायकोर्टाने रद्द केला. 19 जुलै सायंकाळी 5 वाजेपर्यंत पोलिसांसमोर शरण जाण्याचे आदेश देण्यात आले आहेत.
ADVERTISEMENT
बातम्या हायलाइट
डॉक्टरांना मारहाण करणाऱ्या मारकुट्या नगरसेवकाचा जामीन रद्द
हायकोर्टाचा रमेश म्हात्रेंना दणका
dombivli doctor assault case : डोंबिवलीतील शास्त्रीनगर महापालिका रुग्णालयात डॉक्टर आणि नर्सला झालेल्या मारहाण प्रकरणात शिवसेना (शिंदे गट) नगरसेवक रमेश म्हात्रे यांना बॉम्बे हायकोर्टाने मोठा दणका दिलाय. या प्रकरणाची स्वतःहून दखल घेत हायकोर्टाने रमेश म्हात्रे आणि इतर आरोपींना कनिष्ठ न्यायालयाने दिलेला जामीन रद्द केला आहे. तसेच रमेश म्हात्रे यांनी 19 जुलै रोजी सायंकाळी 5 वाजेपर्यंत पोलिसांसमोर शरण यावे, असे स्पष्ट आदेश न्यायालयाने दिले आहेत. ठरलेल्या वेळेत त्यांनी शरणागती पत्करली नाही तर त्यांच्या स्थावर मालमत्तेवर जप्तीची कायदेशीर प्रक्रिया सुरू करण्याची मुभा पोलिसांना देण्यात आली आहे.
हेही वाचा : अभिजीत दीपके यांच्यावर महिलेकडून शाईफेक, पोलिसांनी घेतलं ताब्यात, VIDEO
डॉक्टर मारहाण प्रकरणाची हायकोर्टाकडून स्वतःहून दखल
या प्रकरणातील मुख्य आरोपी रमेश म्हात्रे यांनी अटकेचा दबाव वाढल्यानंतर पोलिसांसमोर आत्मसमर्पण केले होते. त्यानंतर न्यायाधीश श्रीमती के. एस. कातकडे यांनी त्यांना सुरुवातीला चार दिवसांची पोलीस कोठडी सुनावली होती. त्यानंतर त्यांना न्यायालयीन कोठडीत पाठवण्याचे आदेश देण्यात आले. मात्र, त्यांना तुरुंगात न पाठवता वैद्यकीय कारणांचा आधार घेत रुग्णालयात दाखल करण्यात आले. त्यानंतर त्यांना न्यायालयाकडून जामीन मंजूर झाला होता. या निर्णयाविरोधात बॉम्बे हायकोर्टाचे कार्यवाहक मुख्य न्यायाधीश रवींद्र घुगे आणि न्यायमूर्ती गौतम अंखाड यांच्या खंडपीठाने स्वतःहून दखल घेत सुनावणी केली.
हेही वाचा : शाळेच्या संचालकाच्या बायकोचे ड्रायव्हरसोबत अनैतिक संबंध; बेडवर विषारी साप सोडून खून
