'फडणवीस म्हणतात अण्णामलाई 'तसं' म्हणालेच नाही ..', राज ठाकरेंकडून लाव रे तो व्हिडिओ.. फडणवीसांवर पडले तुटून!
तमिळनाडू भाजपचे प्रमुख के. अण्णामलाई यांनी "बॉम्बे हे महाराष्ट्राचे शहर नाही" असं विधान केलंच नाही असा दावा मुख्यमंत्री फडणवीस यांनी केला आहे. ज्याचा व्हिडिओ राज ठाकरेंनी त्यांच्या जाहीर सभेत दाखवला.
ADVERTISEMENT
ठाणे: महाराष्ट्रातील 29 महानगरपालिकांच्या मतदानाला आता अवघे काही दिवस शिल्लक राहिले आहेत. याच पार्श्वभूमीवर आज (12 जानेवारी) शिवसेना ubt आणि मनसेची शेवटची संयुक्त सभा ही ठाण्यात पार पडली. यावेळी मनसे अध्यक्ष राज ठाकरेंचा 'लाव रे तो व्हिडिओ' पॅटर्न पाहायला मिळाला. भाजप नेते अण्णामलाई हे मुंबई महाराष्ट्राची नाही असं म्हणालेच नाही.. असं विधान मुख्यमंत्री फडणवीस यांनी केलं. त्याचाच व्हिडिओ राज ठाकरेंनी ठाण्यातील सभेत दाखवत फडणवीसांवर तुफान टीका केली.
अण्णामलाई मुंबईत येऊन म्हणालेले की, "मुंबई ही एकमेव अशी जागा आहे जिथे ट्रिपल इंजिन सरकार शक्य आहे - केंद्रात मोदीजी, राज्यात देवेंद्र फडणवीस आणि महापालिकेत भाजप महापौर. कारण बॉम्बे हे महाराष्ट्राचे शहर नाही, ते आंतरराष्ट्रीय शहर आहे. या शहराचे बजेट ७५,००० कोटी रुपये आहे, जो छोटा आकडा नाही. चेन्नईचे बजेट केवळ ८,००० कोटी आणि बंगळुरूचे १९,००० कोटी आहे. विकासासाठी चांगले प्रशासक हवेत." असं विधान अण्णामलाई यांनी केलं होतं.
पण त्यांनी मुंबईबाबत असं विधान केलंच नाही असा दावा आता मुख्यमंत्री फडणवीस यांनी केलं आहे. पाहा याचबाबत भाषणात राज ठाकरे नेमकं काय म्हणाले.
राज ठाकरेंची फडणवीसांवर जोरदार टीका
'देवेंद्र फडणवीस जेव्हा आला तेव्हा बरा वाटायचा माणूस मला.. आता काय झालंय माहीत नाही. आतापर्यंत बरा होता.. काल जे मी बोललो ना ती रसमलाई आली होती.. तो सांगतोय की, मुंबईचा आणि महाराष्ट्राचा काही संबंध नाही. हे स्वत: सांगतोय.. आणि फडणवीस सांगतायेत तो असा काही बोललाच नाही.'
हे वाचलं का?
