बापासाठी लेक मैदानात, टीका करणाऱ्यांवर इतिहास सांगत हर्षवर्धन सपकाळांची मुलगी भडकलीच!
Gargi Sapkal on Harshwardhan Sapkal : "माझ्या वडिलांच्या, महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या विधानावरून सध्या राज्यात जाणीवपूर्वक गदारोळ उभा केला जात आहे. हा वाद छत्रपती शिवाजी महाराजांच्या सन्मानासाठी नाही, तर त्यांच्या नावाचा राजकीय गैरवापर करून विरोधकांना बदनाम करण्याचा हा एक सुनियोजित प्रयत्न आहे. ज्यांनी सातत्याने महाराजांच्या विचारांना आणि इतिहासाला विकृत करण्याचं काम केलं आहे, तेच आज अचानक अपमान झाल्याचं ढोंग करत आहेत, हीच या संपूर्ण गदारोळामागची खरी राजकीय चाल आहे."
ADVERTISEMENT
बातम्या हायलाइट
बापासाठी लेक मैदानात
टीका करणाऱ्यांवर इतिहास सांगत हर्षवर्धन सपकाळांची मुलगी भडकलीच!
Gargi Sapkal on Harshwardhan Sapkal : टिपू सुलतान यांच्याबाबतच्या वक्तव्यावरुन भाजपने काँग्रेस प्रदेशाध्यक्ष हर्षवर्धन सपकाळ यांना चांगलंच घेरलंय. त्यांच्याविरोधात आंदोलने करण्यात येत असून त्यांचे प्रतिकात्मक पुतळे जाळण्यात येत आहेत. शिवाय हिंदूत्ववादी कार्यकर्ते देखील त्यांना ट्रोल करताना पाहायला मिळत आहेत. मराठा ठोक मोर्चाने तर हर्षवर्धन सपकाळांच्या तोंडाला काळे फासणाऱ्याला एक लाखाचे बक्षीस जाहीर केलंय. दरम्यान, विरोधकांनी हर्षवर्धन सपकाळ यांना घेरलेलं असताना त्यांची कन्या प्रत्युत्तर देण्यासाठी मैदानात उतरलीये. Gargi Sapkal यांनी महाराष्ट्रातील जनतेला एक पत्र लिहिलंय. त्या काय म्हणाल्या? जाणून घेऊयात..
Gargi Sapkal यांचं पत्र जसंच्या तसं
महाराष्ट्रातील प्रियजनांनो,
माझ्या वडिलांच्या, महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या विधानावरून सध्या राज्यात जाणीवपूर्वक गदारोळ उभा केला जात आहे. हा वाद छत्रपती शिवाजी महाराजांच्या सन्मानासाठी नाही, तर त्यांच्या नावाचा राजकीय गैरवापर करून विरोधकांना बदनाम करण्याचा हा एक सुनियोजित प्रयत्न आहे. ज्यांनी सातत्याने महाराजांच्या विचारांना आणि इतिहासाला विकृत करण्याचं काम केलं आहे, तेच आज अचानक अपमान झाल्याचं ढोंग करत आहेत, हीच या संपूर्ण गदारोळामागची खरी राजकीय चाल आहे.
खरं तर माझ्या वडिलांचं मूळ वक्तव्य अतिशय स्पष्ट आणि संदर्भासह होतं. “शिवाजी महाराजांचा पराक्रम अद्वितीय आहे. त्यांच्या विचारांपासून प्रेरणा घेऊन टिपू सुलतान यांनी कार्य केलं. महाराजांप्रमाणेच त्यांनी कुठल्याही विखारी, विषारी विचारांना थारा दिला नाही,” हा त्या वक्तव्याचा आशय होता.
हा संदर्भ एका विशिष्ट प्रश्नाशी जोडलेला होता. विविध जाती आणि धर्मांमध्ये दिवसेंदिवस वाढत चाललेल्या तेढीच्या पार्श्वभूमीवर काही संघटनांनी अशी मागणी केली होती की सर्व शासकीय कार्यालयांमध्ये महामानवांचे फोटो लावावेत, ज्यात छत्रपती शिवाजी महाराजांसोबत टिपू सुलतान यांचेही फोटो असावेत. “या मागणीकडे आपण कसं पाहता?” असा प्रश्न विचारण्यात आला होता. त्या प्रश्नाच्या उत्तरात, वरील संदर्भात हे वक्तव्य करण्यात आलं. पण आज त्याच वक्तव्याचा हेतुपुरस्सर विपर्यास केला जात आहे.
हे वाचलं का?
