‘शरद पवारांचे दोन नेते आमच्याकडे येणार’, गिरीश महाजनांचा गौप्यस्फोट

Girish Mahajan : शरद पवार यांच्या गटात असलेला एक खासदार आणि एक आमदार लवकरच आमच्याकडे येणार आहेत, असा मोठा दावा भाजपचे नेते आणि कॅबिनेट मंत्री गिरीश महाजन यांनी केला आहे. जळगावमध्ये माध्यमांशी बोलताना हा गौप्यस्फोट केला.

अजित पवारांसाठी दरवाजे बंद झालेत, असं शरद पवारांनी म्हटलं आहे, असा मुद्दा पत्रकारांनी गिरीश महाजनांसमोर उपस्थित केला. त्यावर महाजन म्हणाले की, “ते कुठे म्हणताहेत की, उघडा. आता तुमचे (शरद पवार) दरवाजे बंद ठेवा. जे तुमचे आत आहेत, ते इकडे यायला लागले आहेत. एक खासदार, एक आमदार पुन्हा आमच्याकडे येणार आहेत”, असा दावा गिरीश महाजन यांनी केला.

हेही वाचा >> NCP: अजित पवार गटानं ‘या’ चार आमदारांची नाव का वगळली?

“मला असं वाटतं की, शरद पवारांनी त्यांचे दरवाजे बंद ठेवावेत. त्यांच्याकडे जे चार-पाच लोक राहिलेत शिल्लक ते सुद्धा इकडे पळून येताहेत”, असं गिरीश महाजन यावेळी म्हणाले.