हा ग्राऊंड रिपोर्ट डोळे उघडून बघायलाच हवा, इन्फ्रामॅन कुठे आहेत?
inframam hajir ho center point abhijit karande : महाराष्ट्रातील रस्त्यांवरील खड्डे, निकृष्ट कामांचा दर्जा आणि सरकारी पैशांच्या वापरावर मुंबई Tak च्या ‘Center Point’मधून सवाल उपस्थित करण्यात आले आहेत. कोंदिवडे गावापासून राज्यातील मोठ्या रस्ते प्रकल्पांपर्यंतच्या परिस्थितीवर या ग्राऊंड रिपोर्टमधून भाष्य करण्यात आलं आहे.
ADVERTISEMENT
बातम्या हायलाइट
हा ग्राऊंड रिपोर्ट डोळे उघडून बघायलाच हवा
इन्फ्रामॅन कुठे आहेत?
inframam hajir ho center point abhijit karande : हा ग्राऊंड रिपोर्ट डोळे उघडून बघायलाच हवा, इन्फ्रामॅन कुठे? ‘Center Point’मधून महाराष्ट्रातील रस्त्यांची अवस्था, खड्डे आणि पायाभूत सुविधांच्या कामांवर थेट सवाल उपस्थित करण्यात आला. कोंदिवडे गावातील रस्त्यापासून या रिपोर्टची सुरुवात होते. कर्जतपासून सुमारे 10 किलोमीटर अंतरावर असलेल्या कोंदिवडे गावातून कर्जत-कशेळे-मुरबाड या मार्गावर जाणाऱ्या रस्त्याची अवस्था दाखवण्यात आली आहे. हा काही मुख्य महामार्ग नसल्यामुळे या रस्त्याकडे इन्फ्रामॅनचं लक्ष जाण्याचं कारण नसल्याचं रिपोर्टमध्ये म्हटलं आहे. मात्र, या रस्त्याची अवस्था पाहताना रस्त्यात खड्डे आहेत की खड्ड्यात रस्ता आहे, असा प्रश्न निर्माण होतो. नेहा घारे, मानसी पवार आणि ज्योत्स्ना यांनी या रस्त्याचा ग्राऊंड रिपोर्ट केला असून, खड्ड्यांमधून वाहनांचा प्रवास किती कठीण आहे, हे दाखवण्यात आलं आहे.
हेही वाचा : तुकाराम मुंढेंचा हॉटेल्सवर ‘सर्जिकल स्ट्राइक’! कुठे झुरळांचा सुळसुळाट तर कुठे किचनशेजारी टॉयलेट!
रस्त्यांवर झालेल्या खर्चाची आकडेवारी
महाराष्ट्रात नॅशनल हायवे अथॉरिटीकडे किमान 18 हजार किलोमीटरचे रस्ते, पीडब्ल्यूडीकडे 3 लाख किलोमीटरचे रस्ते आणि एमएसआरडीसीकडे साधारण 51 हजार किलोमीटरचे रस्ते असल्याचं रिपोर्टमध्ये सांगण्यात आलं आहे. पीडब्ल्यूडीचं वार्षिक बजेट 27 हजार कोटी रुपये असून, केंद्राचा निधी आणि एआयआयबी, एनडीबीसारख्या संस्थांच्या माध्यमातून उभारले जाणारे प्रकल्प एकत्रित केल्यास हा खर्च किमान एक लाख कोटी रुपयांवर जात असल्याचं नमूद करण्यात आलं आहे. एवढा पैसा खर्च होऊनही मुंबई-नाशिक प्रवासाला खड्ड्यांमुळे किमान पाच तास लागतात. मुंबई-गोवा महामार्गाचं काम गेली 19 वर्षे सुरू असून, काही ठिकाणी दोन-दोन फुटांचे खड्डे असल्याचं सांगण्यात आलं आहे. मुंबई-अहमदाबाद, मुंबई-सुरत, पुणे-कोल्हापूर-बेंगळुरू, पुणे-नगर-संभाजीनगर या मार्गांवरही खड्ड्यांची समस्या असल्याचं रिपोर्टमध्ये म्हटलं आहे.
हेही वाचा : ठाकरे पुन्हा कोर्टात, सिब्बलांच्या नव्या युक्तिवादाने फुटीर खासदारांवर गंडांतर?