Inside Story: फडणवीस 'वर्षा'वर.. शिंदेंसोबत बंद दाराआड चर्चा, शिंदे मंत्रिमंडळात राहणार की नाही?
Shinde_Fadnavis Inside Story: महाराष्ट्रात नव्याने स्थापन होणाऱ्या सरकारमध्ये एकनाथ शिंदे हे सहभागी होणार की नाही? याबाबत अद्यापही संभ्रम हा कायम आहे. सध्या देवेंद्र फडणवीस आणि एकनाथ शिंदे यांच्यामध्ये चर्चा सुरू आहे.
ADVERTISEMENT
बातम्या हायलाइट
फडणवीसांच्या शपथविधीसाठी अवघे काही तास शिल्लक
सरकारमध्ये सहभागी व्हायचं की नाही? शिंदेंचं अजूनही काहीच ठरलं नाही
'वर्षा' बंगल्यावर बंद दाराआड शिंदे-फडणवीसांसोबत चर्चा
Eknath Shinde-Devendra Fadnavis: मुंबई: महाराष्ट्राचे नवे मुख्यमंत्री म्हणून देवेंद्र फडणवीस हे उद्या (5 डिसेंबर) शपथ घेणार आहेत. मात्र, असं असलं तरी एकनाथ शिंदे हे सरकारमध्ये सहभागी होणार आहेत की नाही याबाबत कोणताही निर्णय घेण्यात आलेला नाही. त्यामुळेच पुन्हा एकदा देवेंद्र फडणवीस हे 'वर्षा' बंगल्यावर दाखल झाले आहेत. मागील अर्धा तासापासून दोन्ही नेत्यांमध्ये बंद दाराआड चर्चा सुरू आहे. त्यामुळे मंत्रिमंडळात राहायचं की नाही हे याच बैठकीनंतर जाहीर केलं जाईल.
देवेंद्र फडणवीस यांनी राज्यपालांकडे जाऊन सत्ता स्थापनेचा दावा केला. ज्यानंतर देवेंद्र फडणवीस, एकनाथ शिंदे आणि अजित पवार यांनी संयुक्त पत्रकार परिषद घेतली. ज्यामध्ये फडणवीसांनी असंही म्हटलं की, शिंदे सरकारमध्ये यावे यासाठी त्यांना विनंती करण्यात आली आहे.
हे ही वाचा>> Ajit Pawar Vs Eknath Shinde : 'मी तर शपथ घेणार, त्यांचं काही...' अजितदादांचा टोला, शिंदे म्हणाले; 'दादांना सकाळी-संध्याकाळ...'
सरकारमध्ये सामील होणार की नाही? शिंदेंनी कोणतंही ठोस उत्तर दिलं नाही..
दरम्याना, फडणवीसांनी असं जाहीरपणे सांगितल्यानंतर देखील शिंदेंनी आपला कुठलाही निर्णय जाहीर केला नाही. ते पत्रकार परिषदेत फक्त म्हणाले की, 'आम्ही सांगितलं ना की, संध्याकाळी सांगतो तुम्हाला. देवेंद्रजी माझ्याकडे आले हा त्यांच्या मनाचा मोठेपणा आहे. मी त्यांना धन्यवाद देतो. मी सगळ्यांचा आदर करतो.' असं शिंदे यावेळी म्हणाले.
शपथविधीवरून अजितदादांचा टोला, शिंदेंकडूनही लागलीच प्रतिटोला!
याच पत्रकार परिषदेत अजितदादा आणि शिंदेंमध्ये टोलेबाजी पाहायला मिळाली. तुम्ही आणि अजितदादा हे उद्या उपमुख्यमंत्री पदाची शपथ घेणार का? असा सवाल या दोन्ही नेत्यांना विचारण्यात आला.
हे वाचलं का?
