सरकारी कर्मचारी काँग्रेस उमेदवार असलेल्या आईचा प्रचार करत असल्याचा आरोप, केंद्राबाहेर ओढत नेलं; जालन्यात राडा
Jalna Municipal Corporation Election : या प्रकरणात अपक्ष महिला उमेदवाराच्या पतीने थेट मतदान केंद्रात येऊन संबंधित सरकारी कर्मचाऱ्याला केंद्राबाहेर ओढत नेल्याचा प्रकार घडला. या घटनेमुळे मतदान केंद्रात काही काळ तणावपूर्ण वातावरण निर्माण झालं होतं. उपस्थित मतदारांमध्येही घबराट पसरली होती. मात्र पोलिसांनी वेळीच हस्तक्षेप करत परिस्थिती नियंत्रणात आणली आणि मतदान प्रक्रिया पुन्हा सुरळीत सुरू केली.
ADVERTISEMENT
बातम्या हायलाइट
सरकारी कर्मचारी काँग्रेस उमेदवार असलेल्या आईचा प्रचार करत असल्याचा आरोप
केंद्राबाहेर ओढत नेलं; जालन्यात राडा
Jalna Municipal Corporation Election : जालना महानगरपालिका निवडणुकीच्या पार्श्वभूमीवर जालन्याच्या प्रभाग क्रमांक 10 मधील एका मतदान केंद्रावर मोठा गोंधळ झाल्याचं समोर आलंय. मतदानाच्या दिवशीच सरकारी कर्मचारी काँग्रेसकडून निवडणूक लढवत असलेल्या आपल्या आईचा प्रचार करत असल्याचा गंभीर आरोप करण्यात आला असून, या वादातून थेट मतदान केंद्रातच गोंधळ उडाल्याचं पाहायला मिळालं.
या प्रकरणात अपक्ष महिला उमेदवाराच्या पतीने थेट मतदान केंद्रात येऊन संबंधित सरकारी कर्मचाऱ्याला केंद्राबाहेर ओढत नेल्याचा प्रकार घडला. या घटनेमुळे मतदान केंद्रात काही काळ तणावपूर्ण वातावरण निर्माण झालं होतं. उपस्थित मतदारांमध्येही घबराट पसरली होती. मात्र पोलिसांनी वेळीच हस्तक्षेप करत परिस्थिती नियंत्रणात आणली आणि मतदान प्रक्रिया पुन्हा सुरळीत सुरू केली.
मिळालेल्या माहितीनुसार, इमरान खान इनायद खान असं या सरकारी कर्मचाऱ्याचं नाव असून, त्यांची आई काँग्रेसकडून जालना महानगरपालिका निवडणुकीत उमेदवार आहे. इमरान खान हे सरकारी सेवेत कार्यरत असतानाही मतदान केंद्राच्या परिसरात आपल्या आईच्या प्रचारात सक्रिय असल्याचा आरोप अपक्ष महिला उमेदवाराच्या पती कलीम खान यांनी केला आहे.
हे वाचलं का?
