Maharashtra Cabinet Expansion : अजित पवार एन्ट्री, शिंदे, फडणवीसांसह BJP च्या मंत्र्यांना बसणार मोठा फटका!
अजित पवार गटाने काही महत्त्वाच्या खात्यांची खाती मागितली आहे. राष्ट्रवादीने जी खाती मागितली आहे, ती दिली गेली, तर शिंदे-फडणवीसांसह भाजप नेत्यांना फटका बसणार आहे.
ADVERTISEMENT
Politics of Maharashtra : मुख्यमंत्री एकनाथ शिंदे यांच्या नेतृत्वाखालील मंत्रिमंडळात राष्ट्रवादी काँग्रेसच्या 9 नेत्यांचा समावेश करण्यात आला. त्यांना कोणती खाती दिली जाणार, यावरून वेगवेगळ्या चर्चा सुरू असून, अजित पवार गटाने काही महत्त्वाच्या खात्यांची खाती मागितली आहे. राष्ट्रवादीने जी खाती मागितली आहे, ती दिली गेली, तर शिंदे-फडणवीसांसह भाजप नेत्यांना फटका बसणार आहे. (Maharashtra Cabinet Portfolio Allocation)
राज्यातील राजकारण सध्या राष्ट्रवादी काँग्रेसमधील फूट आणि खाते व मंत्रिमंडळ विस्तार याभोवती फिरताना दिसत आहे. अजित पवारांसह 9 जणांनी मंत्रिपदाची शपथ घेतली. पण, त्यांच्याकडे अजून कोणतीही खाती सोपवलेली नाही. राष्ट्रवादीकडून काही महत्त्वाची खाती मागितली गेली आहे आणि त्यातून मार्ग काढण्याची कसरत सध्या भाजपला करावी लागताना दिसत आहे.
भाजपच्या मंत्र्यांनाच करावा लागणार त्याग
अजित पवार गट सत्तेत सामील होण्यापूर्वी मुख्यमंत्री, उपमुख्यमंत्र्यांसह 20 जणांचं मंत्रिमंडळ होतं. त्यामुळे शिवसेनेच्या आमदारांकडे एक महत्त्वाचं खातं, तर दुसरं कमी महत्त्वाचं खातं दिलं गेलं. दुसरीकडे भाजपच्या मंत्र्यांकडे मात्र दोन-दोन खाती महत्त्वाची दिली गेली. त्यामुळे आता या मंत्र्यांना त्याग करावा लागणार आहे.
कुणाची खाती अजित पवार गटाकडे जाऊ शकतात?
अजित पवार गटाकडून अर्थ व नियोजन खात्यासह इतरही काही महत्त्वाच्या खात्यांची मागणी करण्यात आली आहे. त्यामुळे ज्या मंत्र्यांकडून ही खाती जाऊ शकतात, त्यामध्ये उपमुख्यमंत्री देवेंद्र फडणवीस, गिरीश महाजन, राधाकृष्ण विखे पाटील, रवींद्र चव्हाण, अतुल सावे, चंद्रकांत पाटील, मंगलप्रभात लोढा आदींची नावं चर्चिली जात आहे.
हे वाचलं का?
