Majhi Ladki Bahin Yojana: 80 लाख लाडक्या बहिणींना आता नाही मिळणार 1500 रुपये, पण नेमकं का?
Majhi Ladki Bahin Yojana: सरकारने स्पष्ट केले की, e-KYC पडताळणीच्या कठोर मोहिमेनंतर, रोख रक्कम हस्तांतरित करण्याच्या या योजनेतून सुमारे 80 लाख अर्जदारांना वगळण्यात आले आहे.
ADVERTISEMENT
Majhi ladki bahin yojana e-kyc: मुंबई: महाराष्ट्र सरकारच्या महत्त्वाकांक्षी 'मुख्यमंत्री माझी लाडकी बहीण' योजनेतील (majhi ladki bahin yojana)लाभार्थ्यांच्या संख्येत तब्बल 80 लाखांची घट झाल्याने राज्यात मोठा राजकीय वाद निर्माण झाला आहे. e-KYC आणि पात्रता पडताळणी मोहिमेनंतर सुमारे 80 लाख अर्जदारांना योजनेतून वगळण्यात आले किंवा त्यांची खाती तात्पुरती स्थगित करण्यात आल्याची माहिती सरकारकडून देण्यात आली आहे. यामुळे योजनेतील सक्रिय लाभार्थ्यांची संख्या आता सुमारे 1.75 कोटींवर आली आहे.
सरकारकडून पडताळणी मोहिमेचे समर्थन
महिला व बालविकास मंत्री आदिती तटकरे यांनी या कारवाईचे समर्थन करताना सांगितले की, ही प्रक्रिया कोणत्याही राजकीय कारणासाठी नसून गेल्या दहा महिन्यांपासून सुरू असलेल्या डेटा शुद्धीकरण मोहिमेचा भाग आहे. योजनेचा लाभ केवळ पात्र महिलांपर्यंत पोहोचावा यासाठी पडताळणी करण्यात आली आहे.
हे ही वाचा>> Ladki Bahin Yojana: लाडक्या बहिणींनो! 'या' दिवशी मिळणार मुख्यमंत्री लाडकी बहीण योजनेचे 2100?
त्यांच्या माहितीनुसार, पडताळणीत अनेक अपात्र लाभार्थी आढळून आले आहेत. त्यामध्ये वार्षिक उत्पन्न अडीच लाख रुपयांपेक्षा जास्त असलेल्या सुमारे 12 लाख महिलांचा समावेश आहे. याशिवाय वयोमर्यादा ओलांडलेल्या सुमारे 5 लाख महिलांची नोंद आढळली. तसेच सुमारे 3.25 लाख वाहनधारक महिलाही योजनेच्या निकषांबाहेर असल्याचे समोर आले आहे.
याशिवाय सुमारे 14 हजार शासकीय कर्मचारी किंवा सरकारी सेवेशी संबंधित व्यक्तींनीही योजनेचा लाभ घेतल्याचे निदर्शनास आले असून त्यांच्याकडून रकमेची वसुली करण्याची प्रक्रिया सुरू करण्यात आली आहे.
