Operation Tiger Live Updates : ठाकरे गटात फूट पक्की! 6 बंडखोर खासदारांचे लोकसभा अध्यक्षांना पत्र
उद्धव ठाकरे यांच्या पक्षाचे बंडखोर खासदार नवी दिल्लीत पोहोचले आहेत. दिल्लीत काय घडामोडी घडत आहेत, जाणून घ्या लाईव्ह.
ADVERTISEMENT
बातम्या हायलाइट
बंडखोर गटात फक्त पाच खासदार
दोन खासदार ठाकरेंसोबतच?
Operation Tiger Live Updates : उद्धव ठाकरे यांच्या पक्षाचे बंडखोर खासदार नवी दिल्लीत पोहोचले आहेत. यादरम्यान ठाकरे गटाच्या दोन खासदारांनी, राजाभाऊ वाजे आणि संजय पाटील यांनी, शिंदे गटात जाण्याच्या चर्चा फेटाळून लावल्या आहेत. मात्र, सूत्रांनी असाही दावा केला आहे की, यूबीटीचे बंडखोर खासदार काही वेळातच लोकसभा अध्यक्षांच्या (स्पीकर) निवासस्थानी भेट घेऊ शकतात.
LIVE UPDATES :
• ठाकरे गटाच्या 'त्या' खासदारांचे लोकसभा अध्यक्षांना पत्र
महाराष्ट्रच्या राजकारणात उद्धव ठाकरे यांना पुन्हा एकदा मोठा राजकीय धक्का बसला आहे. ठाकरे गटाच्या 9 लोकसभा खासदारांपैकी 6 खासदारांनी उद्धव ठाकरेंची साथ सोडून आपला वेगळा गट स्थापन करण्याचा निर्णय घेतला आहे. ठाकरे गटाच्या 6 खासदारांनी लोकसभा अध्यक्ष ओम बिर्ला यांना पत्र लिहून आपल्याला स्वतंत्र गट म्हणून मान्यता देण्यात यावी, अशी मागणी केली आहे.
ठाकरे गटाच्या ज्या खासदारांनी अध्यक्षांना पत्र लिहिले आहे, त्यामध्ये संजय जाधव, संजय देशमुख, नागेश पाटील आष्टीकर, ओमराजे निंबाळकर, भाऊसाहेब वाकचौरे आणि संजय दिना पाटील यांचा समावेश असल्याचे बोलले जात आहे. दुसरीकडे, ठाकरे गटाच्या तिकिटावर निवडून आलेल्या 9 खासदारांपैकी 6 खासदार एकत्र आले आहेत, तर 3 खासदार अजूनही उद्धव ठाकरे यांच्यासोबत उभे आहेत.