महाराष्ट्रातील खासदार दुबईत अडकला, कुटुंबियांशी संपर्क झाला का? नेमकं काय घडलं?
Maharashtra Politics : डॉ. कल्याण काळे हे दोन दिवसांपूर्वी दिल्लीहून खाजगी कामासाठी आणि पर्यटनासाठी आपल्या 4 ते 5 मित्रांसह दुबईला गेले होते. मात्र, दरम्यानच्या काळात अमेरिका आणि इस्रायलने इराणवर केलेल्या हवाई हल्ल्यांमुळे हाय अलर्ट जारी करण्यात आला. सुरक्षेच्या कारणास्तव अनेक आंतरराष्ट्रीय विमान कंपन्यांनी आपली उड्डाणे तात्पुरती स्थगित केली आहेत. यामुळे डॉ. काळे यांना भारतात परतणे शक्य झाले नाही.
ADVERTISEMENT
बातम्या हायलाइट
महाराष्ट्रातील खासदार दुबईत अडकला
कुटुंबियांशी संपर्क झाला का? नेमकं काय घडलं?
Maharashtra Politics, जालना : मध्यपूर्वेतील इस्रायल आणि इराण यांच्यातील संघर्ष तीव्र झाल्याने जगभरात चिंतेचे वातावरण आहे. या तणावाचा फटका जालन्याचे काँग्रेस खासदार डॉ. कल्याण काळे यांना बसला असून, विमान उड्डाणे रद्द झाल्यामुळे ते सध्या दुबईमध्ये अडकले आहेत. मात्र, ते पूर्णपणे सुरक्षित असल्याचे त्यांच्या कुटुंबीयांनी स्पष्ट केले आहे.
कल्याण काळे कोणत्या कामासाठी गेले होते दुबईला?
डॉ. कल्याण काळे हे दोन दिवसांपूर्वी दिल्लीहून खाजगी कामासाठी आणि पर्यटनासाठी आपल्या 4 ते 5 मित्रांसह दुबईला गेले होते. मात्र, दरम्यानच्या काळात अमेरिका आणि इस्रायलने इराणवर केलेल्या हवाई हल्ल्यांमुळे हाय अलर्ट जारी करण्यात आला. सुरक्षेच्या कारणास्तव अनेक आंतरराष्ट्रीय विमान कंपन्यांनी आपली उड्डाणे तात्पुरती स्थगित केली आहेत. यामुळे डॉ. काळे यांना भारतात परतणे शक्य झाले नाही.
कुटुंबीयांनी दिली माहिती
या घटनेबाबत माहिती देताना खासदार डॉ. कल्याण काळे यांचे बंधू भाऊसाहेब काळे यांनी सांगितले की, "खासदार महोदय दुबईतील एका हॉटेलमध्ये सुखरूप आहेत. घाबरण्याचे कोणतेही कारण नाही. विमानसेवा पुन्हा सुरू होताच ते भारतात परततील. आम्ही त्यांच्याशी संपर्कात आहोत."
हे वाचलं का?
