सोलापुरातील अनगरनंतर साताऱ्यातही भाजपची कमाल, 5 नगरसेवक बिनविरोध; कोणत्या नगरपरिषदेत मिळवलं वर्चस्व?
Malkapur Nagar parishad : सोलापुरातील अनगरनंतर साताऱ्यातही भाजपची कमाल, 5 नगरसेवक बिनविरोध; कोणत्या नगरपरिषदेत मिळवलं वर्चस्व?
ADVERTISEMENT
बातम्या हायलाइट
सोलापुरातील अनगरनंतर साताऱ्यातही भाजपची कमाल
5 नगरसेवक बिनविरोध; कोणत्या नगरपरिषदेत मिळवलं वर्चस्व?
मलकापूर, सातारा ; एकेकाळी काँग्रेसचा बालेकिल्ला म्हणून ओळखले जाणारे मलकापूर शहर आता राजकीयदृष्ट्या नव्या वळणावर आहे. कराडचे भाजप आमदार डॉ. अतुल भोसले यांच्या नेतृत्वाखाली भाजपने काँग्रेस आणि राष्ट्रवादीला मोठा धक्का देत नगर परिषद निवडणुकीत महत्त्वाची आघाडी घेतली आहे. मलकापूर नगर परिषदेच्या निवडणुकीत भाजपचे पाच उमेदवार बिनविरोध निवडून आले असून स्थानिक राजकारणात याची मोठी चर्चा रंगली आहे.
काँग्रेसचा गड ढासळला
काही वर्षांपूर्वीपर्यंत काँग्रेसची मजबूत पकड असलेल्या मलकापूरमध्ये राजकीय समीकरणे झपाट्याने बदलत आहेत. उमेदवारी अर्जांच्या छाननीदरम्यान प्रत्येक प्रभागात भाजपला थेट विजय मिळाला. विरोधी पक्षांकडून एकही अर्ज दाखल न झाल्याने पाचही जागा सहजपणे भाजपच्या खात्यात जमा झाल्या.
बिनविरोध विजयानंतर अभिवादन
बिनविरोध निवडून आलेल्या सर्व उमेदवारांनी यशवंतराव चव्हाण यांच्या समाधीस्थळी जाऊन अभिवादन करत विजयाचा मान्यवरांना सलाम केला. मलकापूर नगर परिषदेतील एकूण 22 नगरसेवक पदे आणि एक नगराध्यक्ष पदासाठी निवडणूक होत असताना, पाच जागा बिनविरोध जाणं भाजपसाठी गेम चेंजिंग ठरणार आहे.
हेही वाचा : ऐन वयात येणाऱ्या 16 वर्षांच्या कोमलला तिच्या मामानेच लोकलमधून दिलं ढकलून, नेमकं कारण काय?
हे वाचलं का?
