मुंबईत येणार? जरांगेंनी दोनवेळा सज्ज राहण्यास का सांगितलं?
Manoj Jarange Patil : मनोज जरांगे पाटील यांनी मराठा आरक्षणाच्या आंदोलनासाठी पुन्हा आक्रमक भूमिका घेतली असून, आंदोलकांना दोनवेळा सज्ज राहण्याचं आवाहन केलं आहे. 29 ऑगस्टला अंतरवाली सराटीत होणाऱ्या आंदोलनासह मुंबई आंदोलनासाठीही तयार राहण्याच्या सूचना त्यांनी दिल्या आहेत.
ADVERTISEMENT
बातम्या हायलाइट
मुंबईत येणार? जरांगेंनी दोनवेळा सज्ज राहण्यास का सांगितलं?
Manoj Jarange Patil यांनी मुंबईला जाण्यासह आणखी दोन गोष्टींसाठी सज्ज व्हायला सांगितलं?
Manoj Jarange Patil Press Conference : मराठा आंदोलक मनोज जरांगे पाटील यांनी मराठा आरक्षणाच्या आंदोलनासाठी पुन्हा एकदा आक्रमक भूमिका घेतली आहे. मुंबईला जाण्यासह आणखी दोन महत्त्वाच्या गोष्टींसाठी सज्ज राहण्याचं आवाहन त्यांनी मराठा समाजाला केलं आहे. मुंबईत आंदोलन करण्याचा निर्णय झाल्यास मागे हटणार नसल्याचं जरांगे पाटील यांनी स्पष्ट केलं. सरकारने मुंबईतील वाहतुकीत अडथळा निर्माण होऊ नये म्हणून नियम लागू केल्याचं सांगितलं जात असलं, तरी त्यावरून जरांगे पाटील यांनी सरकारवर टीका केली. मराठा समाजाने सरकारला सत्तेवर बसवलं, मात्र त्याच समाजाला मुंबईत येण्यापासून रोखलं जात असल्याचा आरोप त्यांनी केला.
हेही वाचा : Maharashtra Weather : राज्यात पावसाच्या विश्रांतीचे कारण काय? IMD विभागाचा अंदाज
आंदोलनादरम्यान नियम लागू करण्यावरही जरांगेंचा आक्षेप
मुंबईतील आंदोलनादरम्यान काही नियम लागू करण्यावरही जरांगे पाटील यांनी आक्षेप घेतला. लाऊडस्पीकर लावता येणार नाही, भडकाऊ भाषण करता येणार नाही, तसेच आंदोलन आणि निदर्शनांसाठी काही ठिकाणी निर्बंध असल्याचा उल्लेख त्यांनी केला. मात्र, मराठा समाज आपल्या मागण्यांसाठी मुंबईत येणार असल्याचं त्यांनी सांगितलं. मुंबईतील नागरिकांनी काही दिवस त्रास सहन करून आंदोलनाला सहकार्य करावं, असं आवाहनही त्यांनी केलं. आपल्या मागण्यांसाठी आणि मराठा समाजाच्या लेकराबाळांच्या कल्याणासाठी मुंबईत येत असल्याचं जरांगे पाटील यांनी म्हटलं.
हेही वाचा : अंबरनाथ : कारमधून उपचारासाठी नेताना अल्पवयीन भाचीवर अत्याचार, मामाला अटक