'मातोश्री'वरील बैठकीत किती खासदार गैरहजर? 'यांनी' वाढवलं ठाकरेंचं टेन्शन
Matoshree meeting : शिवसेना (UBT) प्रमुख उद्धव ठाकरे यांनी मातोश्रीवर बोलावलेल्या खासदारांच्या बैठकीत पक्षाच्या 4 खासदारांनी प्रत्यक्ष उपस्थिती लावली. 4 खासदार व्हिडीओ कॉन्फरन्सिंगद्वारे उपस्थित होते. तर परभणीचे खासदार संजय जाधव अनुपस्थित होते. मात्र, त्यांनी फोनवरुन उद्धव ठाकरेंशी संपर्क साधला
ADVERTISEMENT
बातम्या हायलाइट
मातोश्रीवरील बैठकीत 9 पैकी 4 खासदार प्रत्यक्ष उपस्थित
बाकीचे कुठे? महत्त्वाची माहिती समोर
Matoshree meeting :महाराष्ट्राच्या राजकीय वर्तुळात 'ऑपरेशन टायगर'च्या चर्चांच्या पार्श्वभूमीवर शिवसेना (UBT) प्रमुख उद्धव ठाकरे यांनी बोलावलेली खासदारांची बैठक अत्यंत महत्त्वपूर्ण ठरली आहे. मुंबईतील 'मातोश्री' निवासस्थानी पार पडलेल्या या बैठकीत पक्षाच्या खासदारांनी प्रत्यक्ष आणि व्हिडिओ कॉन्फरन्सिंगच्या माध्यमातून उपस्थिती दर्शवून आपली एकजूट अधोरेखित केली आहे. या बैठकीला कोणते खासदार प्रत्यक्ष उपस्थित होते? कोणते खासदार व्हिडिओ कॉन्फरन्सिंगवरुन चर्चेत सहभागी झाले? जाणून घेऊयात..
हेही वाचा : दुसऱ्या जातीतील मुलाशी लग्न केल्याचा राग, विकृत भावाने 44 दिवसात बहिणीला संपवलं!
कोणते खासदार कॉन्फरन्सिंगद्वारे उपस्थित?
अरविंद सावंत, राजाभाऊ वाजे, अनिल देसाई आणि संजय दिना पाटील हे चार खासदार मातोश्रीवर प्रत्यक्ष उपस्थित होते, तर चार खासदारांनी व्हिडिओ कॉन्फरन्सिंगद्वारे या बैठकीत सहभाग घेतला. परभणीचे खासदार संजय जाधव हे या बैठकीला उपस्थित नव्हते. मात्र, संजय बंडू जाधव यांच्याशी उद्धव ठाकरे यांनी फोनवर चर्चा केली,
या बैठकीदरम्यान खासदारांनी उद्धव ठाकरे यांच्यासमोर पक्षांतर्गत काही महत्त्वाची निरीक्षणे मांडली. काही खासदारांना सत्ताधारी गटाकडून संपर्क साधण्याचे प्रयत्न होत असल्याची माहिती त्यांनी पक्षप्रमुखांना दिली, परंतु तरीही या सर्व खासदारांनी पक्षाशी आपली एकनिष्ठता आणि एकता कायम असल्याचे स्पष्ट केले. कोणत्याही प्रलोभनांना बळी न पडता आपण शिवसेना (UBT) सोबत ठामपणे उभे असल्याचे त्यांनी पुन्हा एकदा सिद्ध केले आहे. राजकीय वर्तुळात सुरू असलेल्या फोडाफोडीच्या चर्चांना या बैठकीतून एक प्रकारे उत्तर देण्यात आले असून, पक्षाची संघटनात्मक बांधणी अधिक मजबूत असल्याचे यातून दिसून आले.
