शरद पवारांच्या ‘त्या’ गुगलीवर गेली अजित पवारांची विकेट? फडणवीस ‘सेफ’?
पहाटेच्या शपथविधीवरून पवार-फडणवीसांत जोरदार कलगीतुरा रंगलाय. पण या सगळ्यांत पवारांच्या गुगलीवर पुतणे अजित पवारांचीच विकेट गेल्याची चर्चा सुरू झालीये.
ADVERTISEMENT
Sharad Pawar vs Devendra Fadnavis : आपल्या गुगलीवर देवेंद्र फडणवीसांनी विकेट दिली, असा दावा शरद पवारांनी केला. यावर फडणवीसांनीही पवारांना जशास तसं उत्तर दिलं. पहाटेच्या शपथविधीवरून पवार-फडणवीसांत जोरदार कलगीतुरा रंगलाय. पण या सगळ्यांत पवारांच्या गुगलीवर पुतणे अजित पवारांचीच विकेट गेल्याची चर्चा सुरू झालीये. नेमकी ही चर्चा काय, पवारांच्या गुगलीवर अजित पवार खरंच क्लीनबोल्ड झालेत का? (NCP chief Sharad Pawar admitted that after the 2019 assembly elections in Maharashtra had discussions with the BJP.)
शिंदे सरकारच्या वर्षपूर्तीच्या पूर्वसंध्येला उपमुख्यमंत्री देवेंद्र फडणवीसांनी पहाटेच्या शपथविधीबद्दल खळबळजनक गौप्यस्फोट केले. एका वृत्तवाहिनीला दिलेल्या मुलाखतीत फडणवीसांनी शरद पवारांवर स्फोटक आरोप केले.
हेही वाचा >> ‘..तर मी विकेट घेणारच ना’, पहाटेच्या शपथविधीवर शरद पवारांचे गौप्यस्फोट; फडणवीसांना टोले
पहाटेच्या शपथविधीआधी भाजप आणि राष्ट्रवादी काँग्रेसमध्ये झालेल्या गुप्त भेटींचा वृत्तांत फोडला. पवारांशी झालेल्या बोलणीनंतरच सरकार स्थापनेचा निर्णय झाला. पण तीन-चार दिवस आधीच पवारांनी भाजपला सत्तास्थापनेसाठी नकार कळवल्याचा दावा फडणवीसांनी केला. त्यानंतरही फडणवीसांनी अजित पवारांना सोबत घेऊन 23 नोव्हेंबर 2019 रोजी भल्यासकाळी मुख्यमंत्रीपदाची शपथ घेतली. पण, अवघ्या काही तासांतच पहाटेचं हे सरकार पत्त्यासारखं कोसळलं.
पहाटेचा शपथविधी शरद पवारांचा डाव?
या सगळ्याला साडेतीन वर्ष झाली, तरी अजून या शपथविधीचं कवित्व संपेना. अशातच फडणवीसांनी पुन्हा एकदा पवारांवर दिशाभूल केल्याचा आरोप केला. याच आरोपांना पवारांनीही पत्रकार परिषद घेऊन उत्तर दिलं. पवारांनी फडणवीस सत्तेसाठी किती अस्वस्थ आहेत, हे दाखवून देण्यासाठीच आपण हा डाव टाकल्याची जाहीर कबुली दिली.
हे वाचलं का?
