शिंदेंच्या आमदाराचा 'टक्केवारीचा' कथित Video प्रचंड व्हायरल, शिवसेना करणार कारवाई?
कोल्हापूरचे आमदार राजेश क्षीरसागर यांचा कथित 'टक्केवारी' संदर्भातील संभाषणाचा व्हिडिओ सोशल मीडियावर व्हायरल झाल्यानंतर शिंदेंच्या शिवसेनेत एकच खळबळ माजली आहे.
ADVERTISEMENT
कोल्हापूर: कोल्हापूरचे शिवसेना (शिंदे गट) आमदार राजेश क्षीरसागर यांचा कथित 'टक्केवारी' संदर्भातील संभाषणाचा व्हिडिओ सोशल मीडियावर व्हायरल झाल्यानंतर जिल्ह्याच्या राजकारणात मोठी खळबळ उडाली आहे. या व्हिडिओमध्ये आर्थिक व्यवहार आणि टक्केवारीबाबत चर्चा होत असल्याचा दावा करण्यात येत आहे. मात्र, या व्हिडिओची सत्यता मुंबई Tak ने पडताळलेली नाही. दरम्यान, हा व्हिडिओ व्हायरल झाल्यानंतर आमदार राजेश क्षीरसागरांवर कोणती कारवाई केली जाणार? असा सवाल विरोधकांकडून करण्यात येत आहे.
दरम्यान, या प्रकरणात ठाकरेंच्या शिवसेनेचे नेते रवी किरण इंगवले यांनी आमदार राजेश क्षीरसागर यांच्यावर टक्केवारी घेतल्याचा गंभीर आरोप केला आहे. दुसरीकडे, राजेश क्षीरसागर यांचे पुत्र आणि कोल्हापूर महापालिकेतील नगरसेवक ऋतुराज क्षीरसागर यांनी हे सर्व आरोप फेटाळून लावत व्हिडिओ एडिट करण्यात आल्याचा दावा केला आहे.
हे ही वाचा>> 'त्यांची माफी मागण्यासाठी मी आलोय' फुटीर खासदारावर ठाकरेंचा पहिला हल्ला, कोणाच्या मतदारसंघात पोहोचले?
ऋतुराज क्षीरसागर यांनी प्रसिद्ध केलेल्या निवेदनात असा दावा करण्यात आला आहे की, विधानसभा निवडणुकीदरम्यानही हाच व्हिडिओ व्हायरल करण्यात आला होता. मात्र, त्यावेळी कोणतेही तथ्य आढळले नव्हते. उलट जनतेने आमदार राजेश क्षीरसागर यांच्या बाजूने कौल दिला होता, असे त्यांनी म्हटले आहे. तसेच या व्हिडिओच्या प्रसारामागे काँग्रेसचे विधान परिषदेतील गटनेते सतेज पाटील यांचा हात असल्याचा आरोपही त्यांनी केला आहे.
हे ही वाचा>> केंद्रीय मंत्रिमंडळात लवकरच मोठे फेरबदल, शिंदेंच्या 'त्या' खासदाराला लॉटरी लागणार?
याशिवाय, ठाकरे शिवसेनेचे नेते रवी किरण इंगवले यांच्याविरोधात पाच कोटी रुपयांच्या अब्रूनुकसानीचा दावा दाखल करण्यात येणार असल्याचाही इशारा ऋतुराज क्षीरसागर यांनी दिला आहे.
