Ajit pawar RSS : अजित पवारांसोबत युती, भाजपला दाखवला आरसा; 'त्या' लेखात काय?
RSS on Ajit Pawar : अजित पवारांना सोबत घेणे भाजप कार्यकर्त्याला आवडलेले नाही, असे म्हणत राष्ट्रीय स्वंयसेवक संघाशी संबंधित विवेक साप्ताहिकातून भाजपचे कान टोचण्यात आले आहेत.
ADVERTISEMENT
बातम्या हायलाइट
अजित पवारांसोबत युतीवर भाजप कार्यकर्ते नाराज
अजित पवारांच्या राष्ट्रवादी काँग्रेसला महायुतीत घेतल्याने नुकसान
भाजप नेतृत्वाला साप्ताहिक विवेकमधून खडेबोल
RSS Vivek on Ajit Pawar : लोकसभा निवडणुकीत महायुतीला मोठा फटका बसला. या निकालाबद्दलचे विश्लेषण करताना राष्ट्रीय स्वयंसेवक संघाशी संलग्नित साप्ताहिक विवेकमधून भाजपला आरसा दाखवण्यात आला आहे. राष्ट्रवादी काँग्रेसला सोबत घेणे भाजप कार्यकर्त्यांना आवडलेले नाही, असे म्हणत भाजप नेतृत्वाला सुनावण्यात आले आहे. (Weekly Vivek said that BJP workers did not like Ajit Pawar's NCP to join the Mahayuti)
'आरएसएस'शी संबंधित विवेक साप्ताहिकात नेमके काय?
'साप्ताहिक विवेक'च्या निमेश वहाळकर यांनी लिहिलेल्या लेखात अजित पवारांबद्दल स्पष्ट मते मांडण्यात आली आहेत.
"लोकसभेतील अपयशाची कारणे सांगताना वा आपापली नाराजी, अस्वस्थता सांगताना जवळपास प्रत्येक कार्यकर्ता आज पहिली सुरूवात करतो ती राष्ट्रवादी काँग्रेससोबत केलेल्या युतीपासून."
हेही वाचा >> Ladka bhau yojana: 12 वी पास तरुणांना 6 हजार रुपये, तर पदवीधरांना...; शिंदे सरकार देणार प्रचंड पैसे!
"राष्ट्रवादीला सोबत घेणे भाजपच्या कार्यकर्त्याला आवडलेले नाही, हे स्पष्ट आहे. याची जाणीव भाजपा नेत्यांना नाही असे नाही. अलीकडेच स्वतः देवेंद्र फडणवीस यांनीही एका मुलाखतीत याबाबत भाष्य केले होतेच."
हे वाचलं का?
