Ladka bhau yojana: 12 वी पास तरुणांना 6 हजार रुपये, तर पदवीधरांना... शिंदे सरकार देणार प्रचंड पैसे!
Maza Ladka bhau yojana: माझी लाडकी बहीण या योजनेसारखीच आणखी एक योजना शिंदे सरकारने जाहीर केली आहे. ज्यामध्ये महाराष्ट्रातील तरुणांना त्यांच्या शैक्षणिक पात्रतेनुसार सरकार हजारो रुपये स्टायपंड म्हणून देणार आहेत.
ADVERTISEMENT
बातम्या हायलाइट
माझी लाडकी बहीण योजनेनंतर आणखी एक योजना
लाडका भाऊ योजनाही शिंदे सरकारने आणणार अंमलात
तरुणांना शिंदे सरकार देणार हजारो रुपये!
मुंबई: मुख्यमंत्री माझी लाडकी बहीण योजनेला मिळत असलेला प्रतिसाद पाहता आता राज्यातील शिंदे सरकारने लाडका भाऊ ही योजना अंमलात आणणार आहे. याबाबत मुख्यमंत्र्यांनी काल (16 जुलै) पंढरपुरात बोलताना याविषयी भाष्य केलं. आहे. तसंच त्याचा शासन आदेश देखील जारी झाला आहे. 'मुख्यमंत्री युवा कार्य प्रशिक्षण योजना' (CM Youth Work Training Scheme) असं या योजनेचं नाव असून त्याअंतर्गत तरुणांना त्यांच्या शैक्षणिक पात्रतेनुसार पैसे देण्यात येणार आहेत. (ladka bhau yojana 6 thousand rupees for 12th pass youth while for graduates 10 thousand rupees shinde government will give huge money)
माझी लाडकी बहीण या योजनेअंतर्गत 21 ते 65 वयोगटातील महिलांना सरसकट दरमहा 1500 रुपये देण्यात येणार आहेत. अशावेळी आता तरुणांना आणि बेरोजगारी हे दोन मुद्दे समोर ठेवून शिंदे सरकारने ही योजना जाहीर केली आहे. या योजनेंतर्गत 12 वी पास झालेल्या विद्यार्थ्यांना दरमहा 6000 रुपये, आय.टी.आय/ पदविका केलेल्या विद्यार्थ्यांना 8000 रुपये आणि पदवीधर तरुणांना 10,000रुपये स्टायपंड देण्यात येणार आहे.
हे ही वाचा>> Mukhyamantri Mazi Ladki Bahin Yojana Hamipatra PDF: मुख्यमंत्री माझी लाडकी बहीण योजना हमीपत्र PDF फॉर्म करा डाऊनलोड!
लाडक्या भावांसाठी नेमकी योजनेबाबत मुख्यमंत्री नेमकं काय म्हणाले?
मुख्यमंत्री एकनाथ शिंदे हे काल पंढरपूरमध्ये बोलताना लाडका भाऊ योजनेबाबत असं म्हणाले की, 'आपण लाडकी बहीण योजना आणली तेव्हा काही लोकांनी आपल्यावर टीका केली. ते म्हणाले, लाडक्या बहिणीसाठी योजना आणलीत, आता लाडक्या भावांचं काय? मला त्यांना सांगायचं आहे की लाडक्या भावांकडेही आमचं लक्ष आहे.'
'जो तरुण 12 वी उत्तीर्ण झाला आहे त्याला दरमहा 6000 रुपये, आय.टी.आय/ पदविका केलेल्या तरुणाला 8000 हजार रुपये आणि पदवीधर तरुणाला 10,000 रुपये महिन्याला दिले जातील.'
हे वाचलं का?
