अर्ज घातलं, भाजपच्या महिला उमेदवाराचं मराठी बोलण्यावरुन तुफान ट्रोलिंग, आता नितेश राणे म्हणाले..

हेही वाचा : भाजपचीही घराणेशाही जोमात, एकाच कुटुंबातील सहा जणांना दिली उमेदवारी, कोणत्या जिल्ह्यात लढणार निवडणूक?

श्रद्धा राजे भोसले मराठी शिकण्याचा प्रयत्न तरी करतायत - नितेश राणे 

नितेश राणे म्हणाले, श्रद्धा राजे भोसले मराठी शिकण्याचा प्रयत्न तरी करतायत. लग्न करुन त्या सावंतवाडीमध्ये आल्या आहेत. त्या सावंतवाडीकरांच्या नाहीत असं आता कोणालाही वाटणार नाही. त्यांनी आपली संस्कृती स्वीकारलेली आहे. भाषा शिकण्याचा प्रयत्न करतायत. याचे तर कौतुक करायला पाहिजे. त्यांच्या बदनामीचे विषय चालू आहेत. माझं म्हणणं निवडणुका येतील, जातील पण आमच्या जिल्ह्यातल्या माता भगिनींच्या अशा पद्धतीचा अपमान निवडणुकीसाठी कोणी करू नये. मी या निमित्ताने प्रत्येक राजकीय पक्षाच्या त्या त्या कार्यकर्त्यांना सांगेन.

पुढे बोलताना नितेश राणे म्हणाले, मी दीपक केसरकरांना सांगेन तुमच्या पक्षातल्या कार्यकर्त्यांना, नेत्यांना समज द्या. राजकारण, निवडणुका ह्या फक्त दोन तारखेपर्यंत आहेत. पण कुठल्याही महिलेच्या बद्दल अशा पद्धतीचा अपमान आणि बदनामीचे विषय कोणीही करू नये. आम्ही याबाबत काही गोष्टी सहन करणार नाहीत, हे लक्षात घ्या.. याचं उत्तर सावंतवाडीकर देणार आहेत. 2 तारखेला तुम्हाला जनता उत्तर देईल.. जनता बघत नाही असं नाही. जनतेला कळत नाही असं नाही. कोण कुठून कुठून मेसेज पाठवले जातायत?ते माहित आहे. त्या भाषा शिकण्यासाठी एवढ्या चांगल्या पद्धतीने प्रयत्न करत आहेत. मी तर बोलतो त्यांची मराठी चांगली आहे. शिकतायत, बोलतायत, ह्याचं कौतुक झालं पाहिजे. आज किती घरांमध्ये त्या स्वतः जातायत ते पाहा. दिवसातले शंभर, शंभर घर त्या फिरत आहेत.. सांगा मला कौतुक करायला पाहिजे की नको? असा सवालही नितेश राणे यांनी केला.