ठाकरेंची साथ सोडल्यानंतर संजय जाधवांची पहिली पोस्ट, फेसबुकचं कमेंट सेक्शन बंद

Sanjay Jadhav : ठाकरेंची साथ सोडल्यानंतर परभणीचे खासदार संजय जाधव यांनी पहिल्यांदा फेसबुक पोस्ट केलीये. या पोस्टमधून उद्धव ठाकरेंचा फोटो गायब झाला असून केवळ बाळासाहेब ठाकरेंचा फोटो ठेवण्यात आलाय. 'अखंड शिवसेना आणि अटळ हिंदूत्व', असं या पोस्टमधून त्यांनी म्हटलंय. शिवसेनेच्या वर्धापनादिनाच्या निमित्ताने त्यांनी ही खास पोस्ट केलीये. संजय जाधव हे महायुतीचे उमेदवार महादेव जानकर यांचा पराभव करुन खासदार झाले होते. मात्र, निवडून आल्यानंतर केवळ दोन वर्षांनी त्यांनी भूमिका बदल्याचा निर्णय घेतलाय. दरम्यान, खासदार ओमराजेंचं फेसबुकवर झालेलं ट्रोलिंग पाहता जाधव यांनी सावध भूमिका घेतली आहे. त्यांनी फेसबुकचं कमेंट सेक्शन बंद करुन ठेवलं आहे.