सिंगर रॉकसनने शब्दांनी MPSC चं आंदोलन गाजवलं.. व्हायरल भाषण
Singer Rocksun : MPSC विद्यार्थ्यांच्या आंदोलनाला सिंगर रॉकसन यांनी भेट देत पाठिंबा दिला. त्यांच्या जोशपूर्ण भाषणाचा आणि गाण्यांचा व्हिडीओ सोशल मीडियावर चर्चेत आला आहे.
ADVERTISEMENT
बातम्या हायलाइट
सिंगर रॉकसनने शब्दांनी MPSC चं आंदोलन गाजवलं..
व्हायरल भाषणाची तुफान चर्चा
Singer Rocksun , पुणे : पुण्यात MPSCच्या विद्यार्थ्यांनी आपल्या विविध मागण्यांसाठी सुरू केलेल्या आंदोलनाला सिंगर रॉकसन यांनी भेट देत पाठिंबा दिला. पुण्यातील गांजवे चौकातील लाल बहादूर शास्त्री रोड परिसरात शेकडो विद्यार्थी आंदोलनाला बसले आहेत. परीक्षेतील पारदर्शकता, कथित पेपरफुटीची चौकशी आणि MPSCचे अध्यक्ष विवेक भीमणवार यांच्या राजीनाम्याची मागणी विद्यार्थ्यांनी लावून धरली आहे. याच आंदोलनस्थळी रॉकसन यांनी विद्यार्थ्यांशी संवाद साधत आपल्या खास शैलीत भाषण केलं. त्यांच्या भाषणाचा व्हिडीओ सध्या सोशल मीडियावर चर्चेत आला आहे.
हेही वाचा : भाडेकरु महिलेसोबत शरीरसंबंध अन् दोन भावांचा मृत्यू, गावकऱ्यांमध्ये घबराट; नेमकं काय घडलं?
रॉकसन यांनी भाषणाची सुरुवात विद्यार्थ्यांना जोश देत केली. स्पर्धा परीक्षेची तयारी करणाऱ्या विद्यार्थ्यांचा संघर्ष आपण जवळून पाहिल्याचं त्यांनी सांगितलं. दोन ते तीन वर्षे स्पर्धा परीक्षेची तयारी करणाऱ्या विद्यार्थ्यांमध्ये राहिल्याचं सांगत त्यांनी राजेंद्रनगरमधील आपला अनुभवही सांगितला. विद्यार्थ्यांच्या संघर्षावर आधारित आपल्या लेखन आणि गाण्यांच्या माध्यमातून त्यांनी या विषयाला आवाज दिल्याचं रॉकसन म्हणाले. त्यांनी विद्यार्थ्यांच्या मेहनतीचा, त्यांच्या कुटुंबीयांच्या संघर्षाचा आणि लाल दिव्याच्या गाडीचं स्वप्न पाहणाऱ्या तरुणांच्या जिद्दीचा उल्लेख करत कविता आणि गाण्याच्या माध्यमातून विद्यार्थ्यांना प्रोत्साहन दिलं.