सोलापुरात भाजप-काँग्रेस नेत्यांमध्ये मध्यरात्री राडा; आमदार देवेंद्र कोठे आणि चेतन नरोटे आमनेसामने VIDEO

हेही वाचा : मुंबई : मोबाईलमध्ये अल्पवयीन मुलांचे 20 हजारांहून अधिक आक्षेपार्ह फोटो अन् व्हिडीओ, 49 वर्षीय व्यक्तीला अटक

वादग्रस्त वक्तव्यांमुळे पेटला वाद 

खासदार प्रणिती शिंदे यांनी भाजपच्या मोर्चावर टीका केली होती. त्यांच्या या टीकेला उत्तर देताना आमदार देवेंद्र कोठे यांनी प्रणिती शिंदे यांच्याबाबत वादग्रस्त वक्तव्य केले होते. कोठे यांच्या या वक्तव्यामुळे काँग्रेसमध्ये नाराजी निर्माण झाली. या वक्तव्याचा निषेध करण्यासाठी काँग्रेसच्या वतीने शहराध्यक्ष चेतन नरोटे यांनी आंदोलन केले. या आंदोलनादरम्यान नरोटे यांनीही आमदार देवेंद्र कोठे यांच्याबाबत आक्षेपार्ह वक्तव्य केले होते. त्यामुळे दोन्ही पक्षांमधील वाद आणखी वाढला. खासदार प्रणिती शिंदे यांच्या वक्तव्यावरून सुरू झालेला हा वाद आता स्थानिक पातळीवरील भाजप आणि काँग्रेसच्या नेत्यांपर्यंत पोहोचला.

हेही वाचा : धाराशिवमध्ये प्रेमप्रकरणातून थरार! प्रेयसीला एर्टिगा कारमधून पळवलं; थरकाप उडवणारा व्हिडीओ

भाजप आमदार मध्यरात्री काँग्रेस नेत्याच्या घराजवळ गेले अन्...

दरम्यान, चेतन नरोटे यांनी केलेल्या वक्तव्याचा जाब विचारण्यासाठी भाजप आमदार देवेंद्र कोठे हे मध्यरात्री थेट नरोटे यांच्या घरी पोहोचले. रात्री दीडच्या सुमारास हा प्रकार घडला. यावेळी दोन्ही नेत्यांमध्ये सुरुवातीला शाब्दिक वाद झाला. एकमेकांना केलेल्या वक्तव्यांवरून दोघांमध्ये जोरदार चर्चा सुरू झाली. मात्र, काही वेळातच या शाब्दिक वादाचे रूपांतर मोठ्या राड्यात झाले. दोन्ही नेते एकमेकांच्या अंगावर धावून गेले. मध्यरात्री घडलेल्या या प्रकारामुळे परिसरात तणावाचे वातावरण निर्माण झाले. नरोटे यांच्या घरी जाऊन जाब विचारण्याच्या कोठे यांच्या कृतीमुळे हा वाद अधिक चर्चेत आला आहे.

या संपूर्ण प्रकारामुळे सोलापुरातील भाजप आणि काँग्रेसमधील राजकीय संघर्ष पुन्हा एकदा समोर आला आहे. खासदार प्रणिती शिंदे यांनी भाजपच्या मोर्चावर केलेली टीका, त्यानंतर आमदार देवेंद्र कोठे यांनी केलेले वक्तव्य आणि त्याला प्रत्युत्तर म्हणून चेतन नरोटे यांनी केलेले आंदोलनातील वक्तव्य, अशा घटनांमुळे हा वाद वाढत गेला. अखेर मध्यरात्री दोन्ही नेते आमनेसामने आले आणि त्यांच्यात जोरदार वाद झाला. या घटनेनंतर सोलापुरातील राजकीय वातावरण अधिक तापले आहे. भाजप आणि काँग्रेसमधील हा संघर्ष आता कोणते वळण घेतो, याकडे लक्ष लागले आहे.