देवेंद्र फडणवीसांकडून सोलापुरात राष्ट्रवादीला धक्के, अजित पवारांनी डॅमेज कंट्रोल करण्यासाठी शिलेदार पाठवला

Solapur Politics : काही दिवसांपूर्वी सोलापुरातील चार माजी आमदारांनी मुख्यमंत्री देवेंद्र फडणवीसांची वर्षा निवासस्थानी भेट घेतली आणि भाजपमध्ये प्रवेश करण्याचा विचार बोलून दाखवला. सोलापूरचे पालकमंत्री जयकुमार गोरे यांनी पडद्यामागून सूत्र हलवली आणि माजी आमदारांना गळ्याला लावण्याचा प्रयत्न केलाय. यामध्ये अजित पवारांच्या राष्ट्रवादीचे 3, काँग्रेसचा 1 आणि ठाकरेंच्या शिवसेनेचा 1 माजी आमदार भाजपमध्ये प्रवेश करण्याची चिन्ह आहेत. देवेंद्र फडणवीसांनी सोलापुरात मित्र पक्षांना धक्के दिल्यानंतर आता अजित पवारांनी डॅमेज कंट्रोल करण्यासाठी शिलेदार पाठवलाय.