सुनेत्रा पवारांसमोर अडचण, एक नोटीस आणि NCPचं राष्ट्रीय अध्यक्षपद जाणार?
sunetra pawar : सुनेत्रा पवार यांच्या राष्ट्रवादी काँग्रेसच्या राष्ट्रीय अध्यक्षपदाच्या निवडीवर पक्षातीलच ज्येष्ठ नेते सच्चिदानंद सिंह यांनी नोटीस पाठवत आक्षेप घेतला आहे. राष्ट्रीय अध्यक्षपदाची निवडणूक रद्द करून नव्याने घेण्याची मागणी या नोटिसमध्ये करण्यात आली आहे.
ADVERTISEMENT
बातम्या हायलाइट
सुनेत्रा पवारांसमोर अडचण
एक नोटीस आणि NCPचं राष्ट्रीय अध्यक्षपद जाणार?
sunetra pawar : माजी उपमुख्यमंत्री अजित पवार यांच्या अपघाती निधनानंतर सुनेत्रा पवार यांनी उपमुख्यमंत्रीपदाची शपथ घेतली. त्यानंतर त्यांची राष्ट्रवादी काँग्रेसच्या राष्ट्रीय अध्यक्षपदी निवड करण्यात आली. मात्र, आता त्यांच्या राष्ट्रीय अध्यक्षपदाच्या निवडीवरच पक्षातील ज्येष्ठ नेते आणि राष्ट्रवादी काँग्रेसचे राष्ट्रीय सचिव सच्चिदानंद सिंह यांनी थेट प्रश्नचिन्ह उपस्थित केले आहे. 9 जुलै रोजी त्यांनी वकिलामार्फत नोटीस बजावत राष्ट्रीय अध्यक्षपदाची निवडणूक पुन्हा घेण्याची मागणी केली आहे. ही नोटीस सुनेत्रा पवार यांना पक्षाच्या अध्यक्ष या नात्याने, प्रफुल्ल पटेल यांना कार्यकारी अध्यक्ष म्हणून आणि ब्रिजमोहन श्रीवास्तव यांना पक्षाचे सचिव म्हणून पाठवण्यात आली आहे.
हेही वाचा : Personal Finance: इथेनॉलची मागणी वाढणार, आता ‘त्या’ कंपन्यांचे शेअर्स खरेदी करावे का?
राष्ट्रीय अध्यक्षपदाची निवडणूक अवैध असल्याचा दावा
या नोटीसमध्ये 26 फेब्रुवारी 2026 रोजी झालेली राष्ट्रीय अध्यक्षपदाची निवडणूक अवैध असल्याचा दावा करण्यात आला आहे. ती निवडणूक रद्द करून स्वतंत्र आणि निपक्षपाती निवडणूक अधिकाऱ्याच्या देखरेखीखाली नव्याने निवडणूक घेण्यात यावी, अशी मागणी करण्यात आली आहे. तसेच, नव्याने निवडणूक होईपर्यंत राष्ट्रीय अध्यक्ष आणि सुधारित पदाधिकाऱ्यांची यादी रद्द समजावी, असेही नोटिसीत नमूद करण्यात आले आहे. त्यामुळे सुनेत्रा पवार यांच्या राष्ट्रीय अध्यक्षपदाच्या निवडीवर पक्षांतर्गत वाद निर्माण झाल्याचे चित्र आहे.
हेही वाचा : Exclusive: ...तर थेट जन्मठेप! तुकाराम मुंढेंचा मोठा इशारा, दूधात भेसळ करायचा विचार विसरून जा!
