'ठाकरे हे शरद पवार, आशा भोसलेंना पण गद्दार बोलतील...' शिंदेंच्या मंत्र्याची जहरी टीका
शिवसेना मंत्री संजय शिरसाट यांनी ठाकरेंवर जोरदार टीका केली आहे. पाहा पत्रकारांशी बोलताना ते नेमकं काय म्हणाले.
ADVERTISEMENT
मुंबई: 'उद्या ठाकरे शरद पवारांना गद्दार बोलायला हे कमी करणार नाही, आशा भोसलेंना गद्दार बोलायला कमी करणार नाहीत.' अशी जहरी टीका शिवसेनेचे (शिंदे गट) मंत्री संजय शिरसाट यांनी पत्रकारांशी बोलताना केली आहे. काल (11 फेब्रुवारी) एका सत्कार सोहळ्यात शरद पवार यांनी उपमुख्यमंत्री एकनाथ शिंदे यांचे कौतुक केलं. तर दोन दिवसांपूर्वी आशा भोसलेंनी शिंदेंचं कौतुक केलं होतं. ज्यावर रश्मी ठाकरेंनी संताप व्यक्त केला होता. यावरच आता संजय शिरसाटांनी देखील प्रत्युत्तर दिलं आहे.
नेमकं काय म्हणाले संजय शिरसाट?
प्रश्न: आशा भोसले यांनी एकनाथ शिंदेंचं कौतुक केल्यानंतर 'मातोश्री' नाराज असल्याचं बोललं जात आहे. असंही समजतंय की, स्वत: रश्मी ठाकरेंनी याबाबत नाराजी व्यक्त केली आहे.
संजय शिरसाट: उद्या शरद पवारांना गद्दार बोलायला हे कमी करणार नाही, आशा भोसलेंना गद्दार बोलायला कमी करणार नाहीत. यांच्या विरोधात कोणी काही कार्यक्रम केला तर प्रत्येकाला गद्दार हा शब्द चिकटविण्याची यांच्याकडे स्पर्धा लागली आहे.
हे ही वाचा>> Santosh Bangar : "गद्दारी गद्दारी म्हणतो, तुमच्या तर थोबाडात मारलं पाहिजे", संतोष बांगर यांची संजय राऊतांवर घणाघाती टीका
चांगल्या माणसाने चांगलं काम करणं त्यांना आवडत नाही. आशा भोसलेंसारख्या ज्येष्ठ गायिका जेव्हा कार्यकर्त्याचं पोटभर कौतुक करतात त्यावेळेस आपला शिवसैनिक कोणत्या स्तराला गेलाय याचा अभिमान वाटण्यापेक्षा त्यांच्यावरही टीका करतात.
हे वाचलं का?
