Zilla Parishad Election Result LIVE: प्रत्येक जिल्हा परिषदेचा निकाल, पाहा आता तुमचा नवा जिल्हा परिषद सदस्य कोण?
Zilla Parishad Election Result LIVE: जिल्हा परिषद आणि पंचायत समिती निवडणुकांच्या प्रचारादरम्यान उपमुख्यमंत्री अजित पवार यांचा विमान अपघातात मृत्यू झाल्याने परिस्थिती बदलली. पुणे जिल्ह्यासह पश्चिम महाराष्ट्रात प्रचाराचा जोर कमी झाला होता. मुख्यमंत्री देवेंद्र फडणवीस आणि इतर प्रमुख नेत्यांनी प्रचारसभा टाळल्या होत्या.
ADVERTISEMENT
बातम्या हायलाइट
प्रत्येक जिल्हा परिषदेचा निकाल
पाहा आता तुमचा नवा जिल्हा परिषद सदस्य कोण?
Zilla Parishad Election Result LIVE : राज्यातील 12 जिल्हा परिषदा आणि 125 पंचायत समित्यांसाठी झालेल्या मतदानाचा निकाल आज जाहीर होणार आहे. या निकालातून कोणत्या पक्षाला यश मिळणार, याकडे सर्वांचे लक्ष लागले आहे. सकाळी 10 वाजल्यापासून मतमोजणीला सुरुवात होणार असून साधारण चार ते पाच तासांत निकालाचे चित्र स्पष्ट होण्याची शक्यता आहे. रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या जिल्ह्यांतील जिल्हा परिषदा व पंचायत समित्यांसाठी सरासरी 68.25 टक्के मतदान झाले होते. ग्रामीण भागातील विकासकामांच्या दृष्टीने पंचायत समित्या व जिल्हा परिषदा महत्त्वाच्या मानल्या जातात. त्यामुळे या ठिकाणी सत्ता कुणाच्या हाती जाणार, हे आज स्पष्ट होणार आहे.
पश्चिम महाराष्ट्र, मराठवाडा आणि कोकण या भागांमध्ये महायुती आणि महाविकास आघाडी यांच्यात कोणाची सरशी होणार, याकडे राजकीय वर्तुळाचे लक्ष आहे. यापूर्वी झालेल्या नगरपालिका आणि महानगरपालिका निवडणुकांमध्ये भाजप राज्यातील सर्वात मोठा पक्ष ठरला होता. त्यानंतर उपमुख्यमंत्री एकनाथ शिंदे यांच्या नेतृत्वाखालील शिवसेना आणि अजित पवार यांच्या राष्ट्रवादी काँग्रेसला चांगले यश मिळाले होते. मात्र, जिल्हा परिषद आणि पंचायत समिती निवडणुकांच्या प्रचारादरम्यान उपमुख्यमंत्री अजित पवार यांचा विमान अपघातात मृत्यू झाल्याने परिस्थिती बदलली. पुणे जिल्ह्यासह पश्चिम महाराष्ट्रात प्रचाराचा जोर कमी झाला होता. मुख्यमंत्री देवेंद्र फडणवीस आणि इतर प्रमुख नेत्यांनी प्रचारसभा टाळल्या होत्या. त्यामुळे तुलनेने कमी प्रचारात झालेल्या या निवडणुकांचा निकाल काय लागणार, याबाबत उत्सुकता वाढली आहे.
- रत्नागिरी
रत्नागिरी जिल्हा परिषद निवडणुकीत दोन अपक्ष उमेदवार आघाडीवर, गोळप गटातून उदय बने तर हातखंबा गटातून पर्शुराम कदम आघाडीवर
हे वाचलं का?
