शिंदे गटाला झुकतं माप मिळतंय, खरमरीत पत्र लिहित ठाकरे गटाचे निवडणूक आयोगावर गंभीर आरोप

Thackeray vs Shinde दुभंगलेल्या शिवसेनेचा वाद निवडणूक आयोगाच्या दारात पोहचला होता. निवडणूक आयोगाने पक्षाचं नाव आणि चिन्ह गोठवलं. त्यानंतर एकनाथ शिंदे गटाला बाळासाहेबांची शिवसेना हे नाव आणि ढाल तलवार चिन्ह दिलं. तर उद्धव ठाकरे गटाला शिवसेना उद्धव बाळासाहेब ठाकरे हे नाव मिळालं आणि मशाल हे पक्षचिन्ह मिळालं. मशाल हे चिन्ह घेऊन आता उद्धव ठाकरे पुढे जात आहेत. तर शिंदे गटाने त्यांची वाट निवडली आहे. अशात निवडणूक आयोगाला ठाकरे गटाने एक खरमरीत पत्र लिहिलं आहे. शिंदे गटाला झुकतं माप दिलं जात असल्याचा गंभीर आरोप या पत्रात करण्यात आला आहे.