एकनाथ शिंदेंच्या मनोहर जोशी, लीलाधर डाके यांच्या भेटीमागे 'मिशन १८८'?

एकनाथ शिंदे यांनी शिवसेना कार्यकारिणीतील दोन नेत्यांच्या घेतलेल्या भेटींचा अर्थ काय?
मुख्यमंत्री एकनाथ शिंदे यांनी माजी मुख्यमंत्री मनोहर जोशी यांची भेट घेतली तो क्षण.
मुख्यमंत्री एकनाथ शिंदे यांनी माजी मुख्यमंत्री मनोहर जोशी यांची भेट घेतली तो क्षण.

शिवसेनेतील बंडखोरीनंतर एकनाथ शिंदे मुख्यमंत्री झाले. मुख्यमंत्रीपदी विराजमान झाल्यानंतर शिवसेनेची सुत्रं स्वतःच्या हाती घेण्याचे प्रयत्न एकनाथ शिंदेंकडून सुरू आहेत का? असा प्रश्न त्यांच्या एकूण भेटीगाठी आणि हालचालींवरून उपस्थित होतं आहे. शिंदे यांच्या भेटीगाठींचा वेगळा अर्थ शिंदे गटाकडून सांगितला जात असला, तरी या भेटीमागे मिशन १८८ असल्याचं दिसत आहे.

शिवसेनेत मोक्याची पदं आणि मातोश्रीजवळ असलेल्या नेत्यांच्या भेटी एकनाथ शिंदे घेत आहे. काही दिवसांपूर्वी खासदार गजानन किर्तीकर यांची भेट घेतली होती. रामदास कदम आणि उद्धव ठाकरे यांचा एकाच दिवशी वाढदिवस (२७ जुलै) होता. एकनाथ शिंदे शिवसेना प्रमुखांना भेटले नाही, पण त्यांनी रामदास कदम यांना घरी जाऊन शुभेच्छा दिल्या.

एकनाथ शिंदेंनी घेतली लीलाधर डाके, मनोहर जोशींची भेट

शिवसेनेचे ४० आमदार आणि १२ खासदारांना आपल्या बाजूंने वळवण्यात यशस्वी ठरल्यानंतर एकनाथ शिंदे यांनी बैठक घेऊन शिवसेनेची नवी कार्यकारिणी निवडली. यात शिंदेंनी स्वतःची शिवसेना मुख्य नेता म्हणून वर्णी लावून घेतली. त्यामुळे शिंदेंकडून शिवसेना ताब्यात घेण्याचेच प्रयत्न सुरू असल्याचं दिसत आहे.

यातच शिंदेंनी शिवसेना कार्यकारिणीतील लीलाधर डाके आणि माजी मुख्यमंत्री मनोहर जोशी यांचीही भेट घेतली. निवडणूक आयोगाने उद्धव ठाकरे आणि एकनाथ शिंदे यांना पुरावे सादर करण्याचे आदेश दिलेले असून, त्या पार्श्वभूमीवर ही भेट महत्त्वाची मानली जात आहे.

मुख्यमंत्री एकनाथ शिंदे यांनी माजी मुख्यमंत्री मनोहर जोशी यांची भेट घेतली तो क्षण.
'हे इतिहासात पहिल्यांदा घडलं'; विश्वासघातकी शब्दावरून केसरकरांचा उद्धव ठाकरेंवर पलटवार

एकनाथ शिंदे यांचं मिशन १८८ काय आहे?

एकनाथ शिंदे हे शिवसेनेची कार्यकारिणी तसंच प्रतिनिधी सभा ताब्यात घेण्याच्या दृष्टीने पावलं टाकत आहेत, असल्याची माहिती समोर येतेय. यात शिंदे यशस्वी ठरले तर उद्धव ठाकरेंच्या हातून शिवसेना जाईल. सूत्रांनी दिलेल्या माहितीनुसार एकनाथ शिंदे यांचं लक्ष्य आता प्रतिनिधी सभेवर आहे.

शिवसेनेच्या प्रतिनिधी सभेत २८२ सदस्य आहेत. त्यापैकी दोन तृतीयांश सदस्य म्हणजेच १८८ सदस्य आमच्यासोबत आहेत, असा दावा एकनाथ शिंदे यांनी केला आहे, असं कळतंय. एकनाथ शिंदे यांचं मिशन १८८ हेच असल्याची माहिती समोर आलीये.

मुख्यमंत्री एकनाथ शिंदे यांनी माजी मुख्यमंत्री मनोहर जोशी यांची भेट घेतली तो क्षण.
Shivsena : भावना गवळींचे घटस्फोटित पती कॅप्टन प्रशांत सुर्वे उद्धव ठाकरेंसोबत

एकनाथ शिंदे यांच्या नंदनवन या बंगल्यावर सदस्यांची नव्याने नोंदणी सुरू आहे. तसंच शिंदे गटाने राज्यातल्या विविध जिल्ह्यांमध्ये पथकं पाठवली आहेत. या पथकांच्या माध्यमातून कुणाकुणाला शिंदे गटात यायचं आहे, याची चाचपणी केली जात आहे. याचाच एक भाग म्हणून एकनाथ शिंदे यांनी नव्या कार्यकारिणीपाठोपाठ अनेक नव्या नियुक्त्या केल्या आहेत. पक्ष प्रवक्त्यांचाही समावेश आहे.

यात महत्त्वाची बाब ही की एकनाथ शिंदे यांच्या गटात सहभागी होऊ इच्छिणारे जिल्हाप्रमुख, जिल्हा परिषद सदस्य तसंच नगरसेवक यांच्यापैकी अनेकजण हे शिवसेनेच्या प्रतिनिधी सभेचा भाग आहेत. आता शिवसेनेच्या प्रतिनिधी सभेचा भाग असलेले नेते जर शिंदे गटात आले तर नक्कीच त्याचा परिणाम शिवसेनेच्या प्रतिनिधी सभेवर होईल, असं सांगितलं जात आहे.

Related Stories

No stories found.
Mumbai Tak
www.mumbaitak.in