जो रुटची तूफान फलंदाजी, सचिनचा रेकॉर्ड धोक्यात?; दिग्गज कर्णधाराचा मोठा दावा
कसोटी क्रिकेटमध्ये जो रुटच्या फलंदाजीचा जलवा कायम आहे. इंग्लंडचा धडाकेबाज फलंदाज आताच्या काळात कसोटी क्रिकेटचा बादशहा बनला आहे. जो रुटने आपल्या १० हजार धावांचा टप्पा देखील पूर्ण केला आहे. कसोटी क्रिकेटचा विषय चर्चेला घेतला असता, जो रुटचे नाव अव्वल स्थानावर घेतलं जातं. सध्या न्यूझीलंड आणि इंग्लंडमध्ये (ENG vs NZ) कसोटी मालिका सुरु आहे. मागच्या सामन्यात […]
ADVERTISEMENT
कसोटी क्रिकेटमध्ये जो रुटच्या फलंदाजीचा जलवा कायम आहे. इंग्लंडचा धडाकेबाज फलंदाज आताच्या काळात कसोटी क्रिकेटचा बादशहा बनला आहे. जो रुटने आपल्या १० हजार धावांचा टप्पा देखील पूर्ण केला आहे.
कसोटी क्रिकेटचा विषय चर्चेला घेतला असता, जो रुटचे नाव अव्वल स्थानावर घेतलं जातं. सध्या न्यूझीलंड आणि इंग्लंडमध्ये (ENG vs NZ) कसोटी मालिका सुरु आहे. मागच्या सामन्यात जो रुटने (Joe Root) जबरदस्त शतक ठोकत इंग्लंडच्या संघाला ५ विकेटने विजय मिळवून दिला.
या शतकाबरोबरच जो रुटने १० हजार धावांचा टप्पा देखील पूर्ण केला. रुटच्या या कामगिरीने सचिन तेंडुलकरचा विश्वविक्रम धोक्यात आला आहे.
हे वाचलं का?
ADVERTISEMENT
सचिन तेंडुलकरने (Sachin Tendulkar) कसोटीमध्ये १५, ९२१ धावा केल्या आहेत. आता किक्रेट विश्वात चर्चा रंगली आहे की, जो रुट सचिनचा हा रेकॉर्ड अगदी सहज तोडू शकतो. ऑस्ट्रेलियाचा माजी कर्णधार मार्क टेलरने ही भविष्यवाणी केली आहे. तो म्हणाला की ‘जो रुटचा फॉर्म, फिटनेस पाहता तो सचिनचा रेकॉर्ड अगदी सहज तोडू शकतो.’
जो रुट सध्या ३१ वर्षांचा आहे. मागच्या १८ महिन्यांपासून रुटचं धावा करण्यातील सातत्य कायम आहे. मार्क टेलरने त्याच्या कामगिरीतील सातत्य बघून हा दावा केला आहे.
ADVERTISEMENT
रुटचा एकंदरीत फिटनेस पाहिला तर त्याच्यात अजून ५-६ वर्षांचे क्रिकेट बाकी आहे आणि रुटसाठी सचिन तेंडुलकरचा हा रेकॉर्ड फार काही मोठी गोष्ट नाही, असेही टेलर एका मुलाखतीमध्ये म्हणाला.
ADVERTISEMENT
यापूर्वी इंग्लंडचा माजी कर्णधार अॅलिस्टर कूक सचिनच्या विक्रमाला गवसणी घालेल, असे म्हटलं गेलं होतं. परंतु तो १२ हजार धावा करु शकला. अॅलिस्टर कूक कसोटी क्रिकेटमध्ये सर्वाधिक धावा करणाऱ्यांच्या यादीत पाचव्या क्रमांकावर आहे.
सचिनचा रेकॉर्ड अजून लांबची गोष्ट आहे परंतु रुटला इंग्लंडसाठी सर्वाधिक धावा करणारा फलंदाज बनण्याची संधी आहे.
रुटच्या आवाक्यात कोणते रेकॉर्ड?
न्यूझीलंड मालिकेमधील रुटची फलंदाजी पाहता तो अनेक रेकॉर्ड्सला गवसणी घालण्याची शक्यता आहे. पाकिस्तानचा माजी फलंदाज यूनुस खान, भारताचे माजी फलंदाज सुनील गावस्कर यांचे रेकॉर्ड रुटच्या आवाक्यात आहे.
यूनुस खानने १०,०९९ धावा केल्या आहेत, तर सुनील गावस्करने १०,१२२ धावा केल्या आहेत. या मालिकमध्ये तर हे रेकॉर्ड मोडणे शक्य झाले नाहीतर आगामी काळात रुट या रेकॉर्डला नक्कीच गवसणी घालू शकतो.
ADVERTISEMENT