IPL Transfer Window 2024 : हार्दिक पांड्या मुंबई इंडियन्सचा कर्णधार? रोहित शर्मा बदलणार टीम!
ipl trading window 2024 : मुंबई इंडियन्स आणि गुजरात टायटन्स यांच्यात मोठी डील होणार असल्याची माहिती समोर आली आहे. दोन्ही संघ आपल्या कर्णधारांची विक्री करणार असल्याचे रिपोर्टस प्रसिद्ध झाले आहेत.
ADVERTISEMENT
IPL Trading Window 2024 : आयसीसी एकदिवसीय विश्वचषक 2023 स्पर्धा संपली आहे. 19 नोव्हेंबर रोजी झालेल्या अंतिम सामन्यात ऑस्ट्रेलियाने भारतीय संघाचा 6 गडी राखून पराभव करत विजेतेपद पटकावले. या कटू आठवणी मागे टाकत आता क्रिकेटप्रेमींना वेध लागले आहेत, ते इंडियन प्रीमियर लीग (IPL) 2024 च्या हंगामाची. (What is IPL Transfer Window and Rules)
या आयपीएल मोसमाचा लिलाव 19 डिसेंबर रोजी दुबईत होऊ शकतो. पण, यापूर्वीच पहिली ट्रान्सफर विंडो उघडली आहे. या हस्तांतरण विंडोची अंतिम तारीख 26 नोव्हेंबर निश्चित करण्यात आली आहे. त्याला ट्रेडिंग विंडो असेही म्हणतात. या अंतर्गत दोन फ्रँचायझी परस्पर संमतीने त्यांच्या आवडत्या खेळाडूंची खरेदी-विक्री करू शकतात. मात्र, यासाठी खेळाडूचीही परवानगी घ्यावी लागते.
‘या’ खेळाडूंची झाली देवाण-घेवाण
आतापर्यंत दोन खेळाडूंची खरेदी-विक्री झाली आहे. या महिन्यात म्हणजे 3 नोव्हेंबर रोजी, रोमॅरियो शेफर्ड 2024 सीझनसाठी ट्रेड केलेला पहिला खेळाडू ठरला. पाचवेळा चॅम्पियन मुंबई इंडियन्सने शेफर्डला लखनौ सुपरजायंट्सला 50 लाखांमध्ये विकले.
दुसरा करार राजस्थान रॉयल्स (RR) आणि लखनौ फ्रँचायझी यांच्यात झाला. राजस्थानने डावखुरा फलंदाज देवदत्त पडिक्कलच्या जागी वेगवान गोलंदाज आवेश खानला घेण्याचा निर्णय घेतला. दोन्ही संघ आणि खेळाडूंनी हा करार स्वीकारला. बीसीसीआयनेही याला मान्यता दिली आहे.
हे वाचलं का?
