रणजी ट्रॉफीत 'पृथ्वी शॉ'ची बॅट तळपली! संजय मांजरेकरचा मोडला विक्रम

23 वर्षीय पृथ्वी शॉनेही आपल्या खेळीने बीसीसीआयच्या निवडकर्त्यांना चोख प्रत्युत्तर दिले आहे. पृथ्वी शॉने रणजी ट्रॉफी 2022-23 हंगामात एक मोठा विक्रम केला आहे.
रणजी ट्रॉफीत 'पृथ्वी शॉ'ची बॅट तळपली!
रणजी ट्रॉफीत 'पृथ्वी शॉ'ची बॅट तळपली!

भारतीय संघातून बाहेर पडणारा स्टार सलामीवीर पृथ्वी शॉ याने पुन्हा एकदा धावा करत ऐतिहासिक विक्रम केला आहे. 23 वर्षीय पृथ्वी शॉनेही आपल्या खेळीने बीसीसीआयच्या निवडकर्त्यांना चोख प्रत्युत्तर दिले आहे. पृथ्वी शॉने रणजी ट्रॉफी 2022-23 हंगामात एक मोठा विक्रम केला आहे.

मुंबई संघाकडून खेळताना पृथ्वी शॉने आसामविरुद्धच्या सामन्यात 379 धावांची खेळी केली. गुवाहाटी येथील अमीनगाव क्रिकेट स्टेडियमवर हा सामना खेळला जात आहे. पृथ्वी शॉने 400 धावांचा ऐतिहासिक आकडा गाठू शकला नाही. त्याला आसामच्या रियान परागने एलबीडब्ल्यू आऊट केले.

यासह पृथ्वी शॉ हा भारतीय प्रथम श्रेणी आणि रणजी इतिहासातील दुसरा सर्वाधिक धावा करणारा खेळाडू ठरला आहे. त्याने संजय मांजरेकरचा विक्रम मोडला आहे, ज्यांनी 1991 मध्ये हैदराबाद विरुद्ध मुंबई (तेव्हाचे बॉम्बे) 377 धावा केल्या होत्या. फर्स्ट क्लास आणि रणजीच्या इतिहासात 400 धावा करण्याचा विक्रम फक्त एकदाच झाला आहे. हा विक्रम खुद्द महाराष्ट्राच्याच बीबी निंबाळकर यांनी केला आहे. 1948 च्या मोसमात महाराष्ट्राकडून खेळताना त्याने काठियावाडविरुद्ध नाबाद 443 धावांची खेळी केली होती.

अशा प्रकारे पृथ्वी शॉने खेळली झटपट खेळी

पृथ्वी शॉने या सामन्यात 383 चेंडूत वेगवान खेळी खेळत 379 धावा केल्या. या खेळीत या सलामीवीराने 4 षटकार आणि 49 चौकार लगावले. त्याचा स्ट्राईक रेटही 98.96 होता. खेळाच्या पहिल्या दिवशी तो 240 धावांवर नाबाद परतला. पृथ्वी शॉ थोडा जास्त वेळ क्रीझवर राहिला असता तर त्याने 400 धावांचा विक्रमही केला असता. 598 धावांवर मुंबईची तिसरी विकेट पडली. अखेरीस मुंबईने आपला डाव 687/4 धावांवर घोषित केला. कर्णधार अजिंक्य रहाणे 191 धावा करून बाद झाला.

रणजी करंडकातील सर्वोच्च धावसंख्या

1. बी.बी. निंबाळकर - 443* धावा, महाराष्ट्र - वि. काठियावाड (1948)

2. पृथ्वी शॉ - 379 धावा, मुंबई - वि. आसाम (2023)

3. संजय मांजरेकर - 377 धावा, बॉम्बे - वि. हैदराबाद (1991) ) )

4. एमव्ही श्रीधर - 366 धावा, हैदराबाद - आंध्र विरुद्ध (1994)

5. विजय मर्चंट - 359* धावा, बॉम्बे - महाराष्ट्र विरुद्ध (1943).

6. सुमित गोहेल - 359* धावा, गुजरात - ओडिशा विरुद्ध (2016)

Related Stories

No stories found.
logo
Mumbai Tak
www.mumbaitak.in