Angelo Mathews बॅटिंग न करताच झाला बाद, इतिहासात पहिल्यांदाच घडलं ‘टाइम आऊट’
Angelo Mathews Timed Out : श्रीलंकेचा फलंदाज अँजेलो मॅथ्यूज विचित्र पद्धतीने बाद झाला. आयसीसीच्या नियमानुसार मॅथ्यूजला टाइम आऊट म्हणून बाद ठरवण्यात आले.
ADVERTISEMENT
Angelo Mathews Timed Out : फलंदाजासाठी मैदानात उतरला, पण बॅटिंग करण्याआधीच अंपायरने बाद घोषित केले. तुमचा विश्वास बसत नसेल, पण हे खरंय. आणि हे घडलं तेही विश्वचषक स्पर्धेत. सोमवारी (6 नोव्हेंबर) श्रीलंका आणि बांगलादेश सामन्यात हे घडलं. दिल्लीतील अरुण जेटली स्टेडियमवर झालेल्या या सामन्यात फलंदाजी करण्याआधीच बाद झालेल्या या खेळाडूचं नाव आहे अँजेलो मॅथ्यूज.
भारतात विश्वचषक 2023 स्पर्धा सुरू आहे. 6 नोव्हेंबर रोजी बांगलादेश आणि श्रीलंका यांच्यात सामना झाला. याच सामन्यात श्रीलंकेचा खेळाडू अँजेलो मॅथ्यूज विचित्र पद्धतीने बाद झाला. अशा पद्धतीने बाद होणारा तो क्रिकेटच्या इतिहासातील पहिला खेळाडू ठरला आहे. आंतरराष्ट्रीय क्रिकेटमध्ये अशाप्रकारे एखादा खेळाडू ‘टाइमआऊट’ होण्याची ही पहिलीच वेळ आहे.
मॅथ्यूजला एक चूक पडली महागात
ही संपूर्ण घटना श्रीलंकेच्या डावाच्या 25 व्या षटकात घडली. हे षटक बांगलादेश संघाचा कर्णधार आणि फिरकी गोलंदाज शाकिब अल हसनने केले. शाकिबने दुसऱ्याच चेंडूवर सदीरा समरविक्रमाला झेलबाद केले. यानंतर अँजेलो मॅथ्यूज पुढचा फलंदाज म्हणून खेळायला आला. पण यादरम्यान त्याच्याकडून एक चूक झाली.
Virat Kohli Sachin Tendulkar : कोहलीला सचिन म्हणाला, “मला 365 दिवस लागले, पण तू…”
खेळायला येताना मॅथ्यूज चुकीचे हेल्मेट घेऊन आला. खेळपट्टीवर आल्यानंतर त्याने पॅव्हेलियनमधील सहकारी खेळाडूला दुसरे हेल्मेट आणण्यास सांगितले. याच दरम्यान शाकिबने अंपायरकडे ‘टाइम आऊट’चे अपील केले. व्हिडीओमध्ये दिसत आहे की, मैदानावरील पंचांना सुरुवातीला हा विनोद वाटला, पण शाकिबने स्पष्ट केले की तो खरोखरच अपील करत आहे.
हे वाचलं का?
