Champions Trophy Match Tickets: किती महाग आहे भारत-पाक मॅचचं तिकिट... ऑनलाइन विक्री कधीपासून?

आंतरराष्ट्रीय क्रिकेट परिषदेने (ICC) 10 सामन्यांच्या (दुसऱ्या उपांत्य फेरीसह) तिकिटांच्या किंमती जाहीर केल्या आहेत. मंगळवार (28 जानेवारी) पासून तिकिटांची ऑनलाइन विक्री सुरू होईल अशी माहितीही देण्यात आली आहे. भारतीय वेळेनुसार दुपारी 2.30 वाजता तिकीट खिडकी उघडेल. तिकिटे खरेदी करण्यासाठी, तुम्हाला प्रथम नोंदणी करावी लागेल, जी आधीच सुरू झाली आहे.

हे ही वाचा>> Champions Trophy 2025: सॅमसनपासून 'सूर्या'पर्यंत..'या' 5 खेळाडूंचं चॅम्पियन्स ट्रॉफी खेळण्याचं स्वप्न अधुरचं, कारण काय?

सर्वात स्वस्त तिकिटाची किंमत 1000 पाकिस्तानी रुपये आहे जी भारतात 310 रुपयांच्या समतुल्य असेल. पाकिस्तान क्रिकेट बोर्डाने (पीबीसी) सध्या फक्त त्यांच्या घरच्या सामन्यांसाठी तिकिटांचे दर जाहीर केले आहेत. म्हणजेच कराची, लाहोर आणि रावळपिंडी येथे होणाऱ्या सामन्यांची तिकिटे किती स्वस्त आणि किती महाग आहेत हे समोर आले आहे.

पाकिस्तान-बांगलादेश सामन्याचे तिकीट 620 रुपये

भारतीय संघाला त्यांचे सर्व सामने दुबईमध्ये खेळावे लागणार आहेत. येथे एक उपांत्य फेरी देखील होईल. या सर्व सामन्यांच्या तिकिटांच्या किंमती माहित नाहीत. तसेच, दुबईमध्ये होणाऱ्या सर्व सामन्यांच्या तिकिटांची विक्रीही लवकरच सुरू होईल, अशी माहिती आयसीसीने दिली आहे.

हे ही वाचा>> Jasprit Bumrah: भारताचा हुकमी एक्का चॅम्पियन्स ट्रॉफीला मुकणार? बुमराहच्या दुखापतीबाबत मोठी अपडेट समोर

पाकिस्तानी बोर्डाने कराची, लाहोर आणि रावळपिंडी येथे होणाऱ्या सामन्यांसाठी सर्वात स्वस्त तिकिट 1000 पाकिस्तानी रुपये (सुमारे 310 भारतीय रुपये) ठेवले आहे. तर पाकिस्तान-बांगलादेश सामन्याचे सर्वात स्वस्त तिकीट 2000 पाकिस्तानी रुपये (सुमारे 620 भारतीय रुपये) ठेवण्यात आले आहे. हा सामना रावळपिंडी येथे होणार आहे.

पाकिस्तानमध्ये होणाऱ्या सामन्यांच्या तिकिटांची ही किंमत असेल...

• पाकिस्तानमध्ये, सर्व सामने कराची, लाहोर आणि रावळपिंडी या 3 स्टेडियममध्ये होतील. यामध्ये सर्वात स्वस्त तिकीट 1000 पाकिस्तानी रुपये (सुमारे 310 भारतीय रुपये) आहे.
• पाकिस्तानमध्ये फक्त एकच उपांत्य सामना होईल, ज्याची तिकिटाची किंमत 2500 पाकिस्तानी रुपयांपासून (776 भारतीय रुपये) सुरू होईल.
• व्हीव्हीआयपी तिकिटाची किंमत 12000 पाकिस्तानी रुपये (3726 भारतीय रुपये) ठेवण्यात आली आहे.
• उपांत्य फेरीच्या व्हीव्हीआयपी तिकिटांची किंमत 25000 पाकिस्तानी रुपये (7764 भारतीय रुपये) असेल.
• प्रीमियर गॅलरीच्या तिकिटांची किंमत सर्व स्टेडियममध्ये वेगवेगळी असेल. कराची येथील प्रीमियर गॅलरीचे तिकिट 3500 पाकिस्तानी रुपये (1086 भारतीय रुपये) असेल.
• तर लाहोरमध्ये होणाऱ्या पाकिस्तान-बांगलादेश सामन्याच्या तिकिटाची किंमत 5000 पाकिस्तानी रुपये (1550 भारतीय रुपये) आणि रावळपिंडीमध्ये 7000 पाकिस्तानी रुपये (2170 भारतीय रुपये) असेल.
• व्हीआयपी तिकिटांची किंमत देखील बदलेल. कराचीसाठी 7000 पाकिस्तानी रुपये (2171 रुपये), लाहोरसाठी 7500 पाकिस्तानी रुपये (2326 रुपये) आणि बांगलादेश सामन्यासाठी 12500 पाकिस्तानी रुपये (3877 रुपये) असेल.

चॅम्पियन्स ट्रॉफी 2025 चे संपूर्ण वेळापत्रक

1. 19 फेब्रुवारी - पाकिस्तान विरुद्ध न्यूझीलंड, कराची
2. 20 फेब्रुवारी - बांगलादेश विरुद्ध भारत, दुबई
3. 21 फेब्रुवारी - अफगाणिस्तान विरुद्ध दक्षिण आफ्रिका, कराची
4. 22 फेब्रुवारी - ऑस्ट्रेलिया विरुद्ध इंग्लंड, लाहोर
5. 23 फेब्रुवारी - पाकिस्तान विरुद्ध भारत, दुबई
6. 24 फेब्रुवारी - बांगलादेश विरुद्ध न्यूझीलंड, रावळपिंडी
7. 25 फेब्रुवारी - ऑस्ट्रेलिया विरुद्ध दक्षिण आफ्रिका, रावळपिंडी
8. 23 फेब्रुवारी - अफगाणिस्तान विरुद्ध इंग्लंड, लाहोर
9. 27 फेब्रुवारी - पाकिस्तान विरुद्ध बांगलादेश, रावळपिंडी
10. 28 फेब्रुवारी - अफगाणिस्तान विरुद्ध ऑस्ट्रेलिया, लाहोर
11. 1 मार्च - दक्षिण आफ्रिका विरुद्ध इंग्लंड, कराची
12. 2 मार्च - न्यूझीलंड विरुद्ध भारत, दुबई
13. 4 मार्च - उपांत्य फेरी 1, दुबई
14. 5 मार्च - उपांत्य फेरी 2, लाहोर
15. 9 मार्च - अंतिम सामना, लाहोर (भारत अंतिम फेरीत पोहोचल्यास दुबईमध्ये खेळवला जाईल)
16. 10 मार्च - राखीव दिवस